Qaraǵandy oblysynda 91 gıdrotehnıkalyq qurylys tekserildi
ASTANA. QazAqparat - Qaraǵandy oblysynda kóktemgi sý tasqynyna daıyndyq máseleleri, apattyń saldaryn azaıtý boıynsha qabyldanatyn sharalar, sonymen qatar oblystaǵy sý sharýashylyq qurylystarynyń, onyń ishinde jeke menshiktegilerdiń jaǵdaıy talqylanǵan dóńgelek ústel ótkizildi. Bul týraly oblystyq TJD-nyń baspasóz qyzmeti habarlady.
TJD bastyǵy I.Kúlshimbaevtyń aıtýynsha, byltyrǵy jyly kóktem kezinde sý tasqyny oryn alyp, óńirdiń birshama bóligin sý basqan. Sondyqtan, qazir tótenshe jaǵdaılardy boldyrmaý úshin barlyq qajetti sharalar qabyldanýda eken.
Sý tasqynynyń aldyn alýǵa daıyndyq jaıyn TJD basshysynyń orynbasary M.Qatpanov baıandady. Onyń aıtýynsha, Qaraǵandy oblysy ákiminiń «2017 jylǵy sý tasqyny kezeńinde oblys aýmaǵy men turǵyndaryn qorǵaýdy uıymdastyrý týraly» qaýlysy shyǵyp, 2017 jyly óńirdegi sý sharýashylyq obektileri men aýmaqty, turǵyndardy qorǵaý boıynsha sharalar jospary bekitilgen. Jospar boıynsha qazirgi ýaqytta jergilikti atqarýshy organdar, mekemeler men uıymdarmen qajetti jumystardy qolǵa alǵan.
2016 jyldyń qyrkúıek aıynan qazanǵa deıin 91 gıdrotehnıkalyq qurylys tekserilgen. Tekserý qorytyndysy boıynsha sý qoımalarynan apatsyz sý tastaý, sýdy kóbirek ótkizý úshin arnalardy tazalaý sekildi usynystar múddeli memlekettik organdar men uıymdarǵa berildi.
Jıynda sóz alǵandar 1 aqpan boıynsha oblystyń barlyq ózenderinde sýdyń turaqty ekendigin, gıdrotehnıkalyq qurylystardy kommýnaldyq menshikke qabyldaý júrgizilip jatqandyǵyn, barlyq nysandardy sý tasqynyna qarsy jospar qurylǵandyǵyn atap ótken.
2-3 aqpanda TJD-nyń, Nura-Sarysý sý ınspektsııasynyń jáne aýdan ákimdikteriniń ókilderi Nura jáne Sherýbaı-Nura ózenderiniń joǵary bóligin qaraýdy kózdep otyr.
Sonymen qatar 9 aqpanynda sý tasqynyna daıyndyq boıynsha múddeli oblystyq TJD komıssııasynyń otyrysy ótkiziledi.
