Qaraǵandy oblysynda 9 otbasylyq densaýlyq ortalyǵy ashylady
QARAǴANDY. QazAqparat - Qaraǵandy oblysynda bıylǵy jyly memlekettik-jekeshelik áriptestik sheńberinde 9 otbasylyq densaýlyq ortalyǵy ashylady, dep habarlaıdy oblys basshysynyń resmı saıty.
Bul jaıly Aımaqtyq kommýnıkatsııalar qyzmetinde ótken brıfıng barysynda Qaraǵandy oblystyq Densaýlyq saqtaý basqarmasynyń ambýlatorlyq-emxanalyq kómekti damytý jáne úılestirý bóliminiń jetekshisi Dana Baıkenova málim etti.
«Qaraǵandyda 80-90 myń adam tirkelgen iri emxanalar kóp. Olardyń júktemesin azaıtý jáne medıtsınalyq kómektiń qoljetimdiligin qamtamasyz etý úshin, bıylǵy jyly eki emxana ashylǵan bolatyn. Ol №8 emxana jáne «Mıras» klınıkasy. Bul mekemelerge 30 myńnan astam adam tirkeldi.
MJÁ baǵdarlamasy boıynsha jumystar jalǵasýda. 2019 jyly taǵy da qosymsha 9 otbasylyq densaýlyq ortalyǵyn ashý josparlanyp otyr. Olardyń ekeýi naýryzda Maıqudyqta. tórteýi Qaraǵandynyń turǵyndar eń kóp shoǵyrlanǵan jáne nebári eki emxanasy ǵana bar aýdany - Ońtústik shyǵysta ornalasatyn bolady.
Sondaı-aq Temirtaýda da emxana qurylysy bastalady. Taǵy bir ortalyq Jezqazǵan qalasynda ashylmaq.
