Qaraǵandy oblysynda 9 myńǵa jýyq medıtsına mamanyna vaktsına salynady
QARAǴANDY. QazAqparat – Qaraǵandy oblysy 1-aqpanda jappaı vaktsınalaý jumystaryn bastaıdy. Oblysta birinshi kezeńde 9 myńǵa jýyq medıtsına mamanyna «Spýtnık V» vaktsınasyn salý josparlanyp otyr, dep habarlaıdy QazAqparat.
Qaraǵandy oblysynyń Qoǵamdyq densaýlyq saqtaý qyzmetiniń basshysy Bıbigúl Tólegenovanyń aıtýynsha, qazir óńirde vaktsınalaý ortalyqtary daıyndalyp jatyr. Barlyǵy 115 kabınet ashylady. Vaktsınalaý ortalyqtarynda egýden keıingi baqylaý aımaqtary bar. Preparat engizilgen sátten bastap jarty saǵat ishinde adam medııına mamandarynyń baqylaýynda bolady. Sodan keıin alty kún boıy vaktsına alǵandardyń barlyǵyn aýdıo jáne beıneqońyraýlar arqyly ýchaskelik dárigerler qaraıdy.
Oblystyń qalalary men aýdandarynan 500-den astam medıtsına qyzmetkeri oqytýdan ótti. Reseılik sarapshylar qaraǵandylyq densaýlyq saqtaý mamandaryna ózderiniń tájirıbesi týraly keńes berip otyr.
Buǵan qosa, «Spýtnık V» vaktsınasyna qatysty máseleler mamandar arasynda da talqylandy. Spıkerler quramyna vaktsınany tasymaldaýmen aınalysatyn máskeýlik jáne peterbýrgtik mamandar, sondaı-aq bıolog jáne ınfektsıonıst dárigerler kirdi.
Dárigerlerdiń aıtýynsha, reseılik «Spýtnık V» vaktsınasy qaýipsiz. Bul eki komponentti preparat, ol 21 kúndik aralyqpen engiziledi. Ázirleýshiler adenovırýstyq vektorlardy negizge aldy, olar 70-shi jyldardan beri qoldanylyp keledi jáne jaqsy zerttelgen. Mehanızm qarapaıym: s tiken vırýsy (sol «korona») kóbeıý geninen aıyrylǵan adenovırýsqa qosylady. Vaktsına quramynda adenovırýstardyń eki túri bar. Sondyqtan ol eki kezeńde engiziledi.
«Spýtnık V» vaktsınasynyń logıstıkadaǵy erekshelikteri bar. Ony tasymaldaý kezinde -20° C temperatýralyq rejımdi saqtaý qajet, sondyqtan tasymaldaý belgilengen temperatýrany 48 saǵat boıy ustap turatyn arnaıy termokonteınerlerde júzege asyrylady. Olardyń kólemi 80 lıtr bolady. Temperatýralyq rejımdi jazýdy loggerler júrgizedi. Keıinnen elektrondy derekter tirkeýshisin kompıýterge qosyp, temperatýranyń aýytqýyn baqylaýǵa bolady. Sonymen qatar, densaýlyq saqtaý basqarmasy vaktsınany saqtaýǵa arnalǵan arnaıy medıtsınalyq muzdatqyshtardy satyp aldy.
«Reseıde 2 mln-nan astam adam vaktsınalandy. Ólim jaǵdaılary tirkelgen joq. Keıbir vaktsınalanǵan adamdarda tumaýǵa uqsas sındrom tirkelgen, ol 2-3 kún ishinde ótedi. Bul álsizdik, aýyrsyný, egý ornynyń aýyrýy, dene qyzýynyń kóterilýi. Bul vırýstyq aýrýlarda kezdesetin belgiler. Qazaqstanda vaktsınalaý tek erikti negizde júrgizilip, tegin medıtsınalyq kómektiń kepildik berilgen kólemi esebinen qarjylandyrylatynyn atap ótkim keledi», - dep habarlady Bıbigúl Tólegenova.
Vaktsınany 18 jastan 60 jasqa deıingi eresekter ala alady. Basqa jas sanattary úshin synaq áli júrgizilgen joq. Sozylmaly aýrýlary bar adamdardy da vaktsınalaýǵa bolady, biraq derttiń qaýipti kezeńinde emes. Sondaı-aq, eger adam alty aı buryn KVI-men aýyrsa, bul vaktsınalaýǵa qarsy kórsetkish bolmaıdy. Immýnıtettiń qandaı merzimge qalyptasatyny áli belgisiz.
Dárigerler vaktsınalaýdan 24 saǵat buryn jáne odan bir kún buryn sportpen tym belsendi shuǵyldanýdan, saýnaǵa barýdan jáne alkogol ishýden bas tartýǵa keńes beredi.
Birinshi kezeńde Qaraǵandy oblysynda ınfektsııalyq aýrýhanalardyń, jedel medıtsınalyq járdemniń, jansaqtaý bqlimi, BMSK bólimsheleriniń, qabyldaý bólmeleriniń, sanepıdqyzmettiń 9 myń medıtsına qyzmetkerin egý josparlanýda.
Naýryz aıynda vaktsınany birinshi sanatqa kirmegen dárigerler, jalpy bilim beretin mektepter men ýnıversıtetterdiń pedagogtary alady. Úshinshi kezeńde mektep-ınternattardyń, mektepke deıingi mekemelerdiń pedagogtaryn, stýdentterdi jáne sozylmaly aýrýlary bar adamdardy qamtıdy.
