Qaraǵandy oblysynda 80 memlekettik qyzmetker synaq merziminde júr - oblys basshysy

QARAǴANDY. QazAqparat - Qaraǵandy oblysynyń bılik júıesinde 83 memlekettik qyzmetker synaq merziminde júr. Bul týraly aımaqtyq ortalyq kommýnıkatsııalar qyzmetiniń brıfınginde oblys basshysy Nurmuhambet Ábdibekov málim etti.

«100 naqty qadam» Ult josparynyń birinshi baǵyty memlekettik apparatty keshendi jańǵyrtý maqsatyn kózdeıdi. Bul mindetti oryndaý úshin ótken jyldyń sońynda «Qazaqstan Respýblıkasynyń memlekettik qyzmeti týraly» jańa zań da qabyldandy. Osylaısha, memlekettik qyzmetke kelýdiń reti de ózgerdi. Memlekettik qyzmetke endi kelgen azamat eń tómengi laýazymǵa taǵaıyndalady. 2016 jyldyń basynan beri oblys boıynsha 12 kishi-girim laýazymǵa konkýrs jarııalaǵan bolatyn. Qazir 83 memlekettik qyzmetker synaq merziminde júr», - deıdi oblys basshysy.

Ákimniń habarlaýynsha, ishki konkýrstar 57 bos qyzmetke jarııalanǵan. Qazir 51 bos orynnyń konkýrsy aıaqtaldy, 35 adam tıisti qyzmetke taǵaıyndaldy. N.Ábdibekov erekshe atap ótkendeı, ishki konkýrstardyń barlyǵyn baqylaýshylar qadaǵalaǵan.

«Al, zańnama boıynsha bilimderin tekseretin testke 684 memlekettik qyzmetker qatysyp, onyń ishinde 318 adam testi oıdaǵydaı tapsyrdy. 397 adam jeke basynyń  jaqsy qasıetterin tanytty. Qaraǵandy oblysy «B» korpýsynyń qyzmetine baǵa bergen respýblıkadaǵy alǵashqy óńirlerdiń biri», - dep tolyqtyrdy aımaq basshysy.