Qaraǵandy oblysynda 72 aqbóken atqan brakonerler izdestirilýde
QARAǴANDY. QazAqaparat - Qaraǵandy oblysy ishki ister organdarynyń jeke quramyna 70-ten astam kıik atqan kúdiktilerdi anyqtaý jáne ustaý boıynsha baǵyttama berildi, dep habarlaıda QazAqparat tilshisi.
26 qazan kúni «Ohotzooprom» jáne Nura aýdandyq polıtsııa bóliminiń qyzmetkerlerimen Nura aýdanyna qarasty Janbobek aýylynan 60 shaqyrym jerde múıizderi kesilgen 72 kıiktiń tutas eti tabylǵan.
Osyǵan oraı oblystyq polıtsııa departamenti basshylyǵymen kúdiktilerdi ustaýǵa baılanysty bilikti mamandardan jedel-izdestirý toby qurylǵan bolatyn.
Qaraǵandy óńirimen shektesetin oblystardyń polıtsııa qyzmetkerlerimen birlesip tosqaýyl beketteri qoıyldy. Baǵyttamada kórsetilgen avtokólikterge uqsas barlyq kólik quraldary tekserilýde.
Atalǵan derek boıynsha Qazaqstan Respýblıkasy Qylmystyq Kodeksiniń 337 baby 4 tarmaǵyna sáıkes qylmystyq is qozǵaldy.
