Qaraǵandy oblysynda 70 sý nysany tekseriledi
QARAǴANDY. QazAqparat – Qaraǵandy oblysynda balyq sharýashylyǵy sý aıdyndaryn pasporttaý júrip jatyr. Óńirde barlyǵy 70 sý nysany tekseriledi, dep habarlaıdy QazAqparat tilshisi.
Bul jumys aımaqtaǵy sý qoımalaryn utymdy paıdalaný, balyq sharýashylyǵyn júrgizý jáne akva ósindini tıimdi damytý úshin júzege asyrylady.
Pasporttaý jáne (nemese) ýchaskeler - balyq sharýashylyǵy sý aıdyndaryn jáne (nemese) ýchaskelerin bekitip bergenge deıin júrgiziletin balyq sharýashylyǵy sý aıdyndarynyń jáne (nemese) ýchaskeleriniń shekaralaryn, olardyń alańyn, balyq resýrstarynyń jáne basqa da sý janýarlarynyń jaı-kúıin, túrlik quramyn aıqyndaý jónindegi is-sharalar kesheni.
Qazirgi ýaqytta balyq sharýashylyǵy sý aıdyndaryn pasporttaýdy júrgizý maqsatynda ǵylymı uıymdar memlekettik satyp alý, qyzmet kórsetý sharttaryna sáıkes balyq sharýashylyǵy sý aıdyndaryna tekserý júrgizedi, olardyń nátıjeleri boıynsha balyq sharýashylyǵy sý aıdyndarynyń bıologııalyq negizdemeleri men pasporttary usynylatyn bolady.
Sý aıdyndary balyq sharýashylyǵyn júrgizý úshin tıimdi dep tanylǵan jaǵdaıda, sý aıdyndary Qaraǵandy oblysy ákimdiginiń qaýlysymen balyq sharýashylyǵy sý aıdyndarynyń tizbesine engiziledi.
Sondaı-aq balyq sharýashylyǵy qyzmetimen aınalysqysy keletinderdiń barlyǵy konkýrsqa ańshylyq alqaptar men balyq sharýashylyǵy sý aıdyndaryn jáne (nemese) ýchaskelerin bekitip berý jónindegi konkýrsty ótkizý qaǵıdalaryna sáıkes qatysa alady.
Konkýrstyń ótkiziletini týraly habarlamamen tabıǵı resýrstar jáne tabıǵat paıdalanýdy retteý basqarmasynyń saıtynan jáne Qaraǵandy oblysy ákiminiń saıtynan tanysýǵa bolady.
