Qaraǵandy oblysynda 70 shaqyrymnan astam sý qubyrlary salynady
Birinshi kezeń boıynsha jobalyq-smetalyq qujattama daıyn jáne qazir memlekettik saraptamadan ótýde. Bul týraly Energetıka jáne Turǵyn úı-kommýnaldyq sharýashylyq basqarmasynyń basshysy Ulantaı Úsenov málimdedi, dep habarlaıdy QazAqparat tilshisi.
Ulantaı Úsenovtyń aıtýynsha, jobany qarjylandyrý memlekettik saraptamanyń oń qorytyndysyn alǵannan keıin júrgiziledi. Bıyl jumys bastalýy tıis. Sý tartqyshty qaıta jańartqannan keıin Jezqazǵandaǵy aýyz sýdyń sapasy aıtarlyqtaı jaqsarady.
Oblys qalalarynda bıyl barlyǵy 72,87 km sý qubyry jelisin salý jáne qaıta jańartý josparlanýda.
Qaraǵandyda «Ekinshi aımaq» stantsııasynan jańa qala jelisine deıin sý qubyry jańartylady. Sonymen qatar, Suryptaýdaǵy Jumysshy kenti Úlken Mıhaılovka turǵyndary ortalyq sýmen qamtamasyz etiledi. Sahalın kentinde jáne munaı bazasy aýdanynda sýaǵarlar salý úshin JSQ ázirlenýde.
Mamyr aıynda Balqashtaǵy qalaishilik jelilerdi qaıta jańartý bastalady.
Temirtaý men Qarajalda jobalardy iske asyrý jalǵasady.
Qarqaralydaǵy Jarly sý taratqyshyn qaıta qurý bastaldy. Merdiger tehnıkany jumyldyryp, qurylys materıaldaryn obektige jetkizýmen aınalysyp jatyr. Jobany aıaqtaý 2023 jylǵa josparlanyp otyr. Qarqaraly turǵyndary da turaqty jáne sapaly sýmen qamtamasyz etiledi.
Osy jyly qalalarda sapaly sýmen jabdyqtaý qyzmetterine qoljetimdilik kórsetkishin 98,8%-ǵa deıin jetkizý mindeti tur.
Aýyldyq eldi mekenderde 2022 jyly 112,5 km sý qubyry jáne káriz jelilerin salý jáne qaıta jańartý josparlanǵan.
Buqar Jyraý aýdanynda jeti joba aıaqtalady. Bıyl ortalyq sýmen qamtamasyz etýge Asyl, Qyzyljar, Sarytóbe, Jańatalap aýyldarynyń turǵyndary qol jetkize alady. 2023 jyly Botaqara sýaǵaryn tolyǵymen jańartý, sondaı-aq Qýshoqy men Samarqandtaǵy nysandardy paıdalanýǵa berý josparlanyp otyr.