Qaraǵandy oblysynda 70-ke jýyq ІІB qyzmetkeri jol júrý erejelerin buzǵany úshin jaýapqa tartyldy
QARAǴANDY. 20 maýsym. QazAqparat - Qaraǵandy oblysynda jyl basynan bastap ishki ister organdarynyń 70-ke taıaý qyzmetkeri jol júrý erejelerin buzǵany úshin jaýapqa tartyldy.
Bul týraly oblystyq ІІD jol polıtsııasy basqarmasy bastyǵynyń orynbasary Oljas Arynov habarlady.
«Búgingi tańda ІІB 68 qyzmetkeri jyl basynan bastap jol júrý erejelerin buzǵany úshin jaýapqa tartyldy. Olardyń tórteýi jumystan shyǵaryldy, qalǵandary jazalandy», - dedi O. Arynov jalpy respýblıkalyq «Joldardaǵy qabyldaý» is-sharasyn ótkizý kezinde.
19 maýsymda bolǵan is-sharaǵa jol polıtseıleri, sot atqarýshylary, oblystyq «Nur Otan» HDP fılıaly qoǵamdyq qabyldaýynyń ókilderi, sondaı-aq, avtobýs parkiniń basshylary men jol qozǵalysy qaýipsizdigi jónindegi ınjenerler qatysty.
Іs-shara barysynda jol polıtsııasynyń jumysyn jaqsartý máselesi tóńireginde azamattarǵa saýalnama júrgizildi. «Joldardaǵy qabyldaý» jyljymaly pýnkti Qaraǵandy kóshelerimen júrip otyrdy. Oǵan barǵandar dereý jol polıtsııasy qyzmeti máseleleri jóninde konsýltatsııalar aldy.
