Qaraǵandy oblysynda 7-synyp oqýshysy sabaqqa «iship» kelgen
QARAǴANDY. QazAqparat - Qaraǵandy oblysy Dolınka kentinde jalpy bilim beretin orta mekteptiń 7-synyp oqýshysy sabaqqa alkogoldik ishimdikke mas kúıinde kelgen, dep habarlaıdy QazAqparat.
Oqýshysynyń mas júrgenin baıqap qalǵan muǵalim ony birden aýrýhananyń toksıkologııalyq bólimine jetkizgen. Oǵan ishimdikke ýlanǵan degen dıagnoz qoıyldy.
«Ul bala ishimdikti ózimen birge alyp kelgenin moıyndaǵan. Qyzmettik tekserý júrip jatyr, balanyń qaı kezde qandaı jaǵdaıda araq iship úlgergeni anyqtalyp jatyr», - deıdi orta mekteptiń kezekshi muǵalimi.
Bul Qaraǵandy oblysynda bolyp otyrǵan birinshi tosyn oqıǵa emes. 2016 jyly 23 qańtar kúni Qaraǵandy qalasyndaǵy orta mektepterdiń birinde 7-synyp oqýshysy sabaq ústinde 3 qabattan sekirip ketken.
Keıin anyqtalǵandaı, sabaq ústinde tynysh otyrmaıtyn oqýshyny mektep dırektory shaqyryp alyp, bul ádetin qoımasa tártibi tómen oqýshylardyń mektebine aýystyryp jiberemin dep qorqytqan. Oǵan ashýlanǵan oqýshy sabaq ústinde 3-qabattan sekirip ketken. Kóptegen jaraqattarmen jasóspirim aýrýhanaǵa túsken edi. Keıin mektep dırektory men onyń orynbasary tártiptik jazaǵa tartyldy.
