Qaraǵandy oblysynda 7 myńǵa jýyq saılaýshy alǵash ret daýys beredi
20 qarashada ótetin QR Prezıdentiniń kezekten tys saılaýyn ótkizýge daıyndyq týraly oblystyq ákimdiktiń birlesken otyrysynda aıtyldy.
«Jalpy oblys boıynsha 770 myńǵa jýyq saılaýshy tirkelgen. Tizimder saılaý komıssııalaryna berildi. Saılaýshylar bazasyna jekelegen sanattardy engizý boıynsha jumys júrgizildi. Bul - joǵary oqý oryndary men kolledjderdiń stýdentteri, vahtalyq ádispen jumys isteıtin kásiporyn qyzmetkerleri, áskerı qyzmetshiler. Saılaýshylar tizimin jańartý jalǵasýda», - dedi oblys ákimi Jeńis Qasymbek.
Óńirde 656 saılaý komıssııasy bar. Oblystyq saılaý komıssııasynyń tóraǵasy Qaırat Nurkenovtyń aıtýynsha, qazir barlyq ýchaskelerde belsendi jumys júrgizilýde. Saılaý komıssııalarynyń músheleri trenıngten jáne testileýden ótti jáne sertıfıkattaldy.
«Saılaý ýchaskeleri barlyq qajettiliktermen qamtamasyz etildi», - dep atap ótti Qaırat Nurkenov.
Múmkindigi shekteýli jandar úshin jaǵdaı jasalǵan. Saılaý ýchaskelerinde taktıldi taqtaıshalar bar. Arnaıy buryshtar men kabınalar da jabdyqtalǵan. Saılaý kúni ymdaý tili mamandarynyń kezekshiligi uıymdastyrylady. Daýys berý ornyna ınvataksımen kelýge bolady.
Keńeste saılaýǵa daıyndyq týraly barlyq jumyldyrylǵan uıymdar men iri qalalardyń ákimderi baıandady. Jeńis Qasymbek azamattardyń saılaý quqyǵyn iske asyrýy úshin barlyq máselelerdi sapaly sheshý qajettigin atap ótti.
Oblys turǵyndaryna saılaýshylar tiziminde ózderin qalaı tekserý kerektigi eskertildi. Muny ártúrli tásildermen jasaýǵa bolady: ınternette ózińiz nemese Senim109 biryńǵaı basqarý qyzmetine habarlasyńyz. Sailau09.kz arnaıy saıt jumys isteıdi, munda árbir paıdalanýshy JSN nemese jeke kýálik nómiri arqyly óz ýchaskesin taba alady. Sonymen qatar, barlyq qalalar men aýdandar ákimdikteriniń saıttarynda «Saılaýshylar tiziminde ózińizdi tekserińiz!» degen qosalqy paraqsha qoljetimdi.
