Qaraǵandy oblysynda 600-den astam saılaý komıssııasy saılaýǵa daıyndyqty bastady

QARAǴANDY. QazAqparat – Qaraǵandy oblysynda 2022 jyldyń 20 qarashasyna belgilengen QR Prezıdentiniń kezekten tys saılaýyna daıyndyq bastaldy. Aldyn ala málimetter boıynsha, óńirde 761 myńǵa jýyq saılaýshy tirkelgen, olardyń 13 myńy alǵash ret daýys berip otyr.

Tizimder naqtylanatyn bolady, dep habarlaıdy QazAqparat tilshisi.

Saılaý protsesin uıymdastyrý oblys ákimdiginde ótken birlesken otyrysta talqylandy.

«Qaraǵandy oblysynda 656 saılaý komıssııasy bar, olardyń quramynda 4582 múshe bar», - dep habarlady oblystyq saılaý komıssııasynyń tóraǵasy Qaırat Nurkenov.

Saılaýshylar tizimin naqıylaý qajet, dep atap ótti ol. Saılaý týraly zańnamaǵa sáıkes saılaýshylar tizimderin jeke tulǵalar týraly Memlekettik Derekqordyń negizinde jergilikti atqarýshy organdar qalyptastyrady.

«Qazir negizgi mindet - árbir saılaýshyǵa onyń saılaý ýchaskesi boıynsha aqparat jetkizý. Saılaýshy ýchaskege kelgen kezde jaǵdaı týyndamaýy kerek, biraq ol tizimde joq. Óńirlerdegi saılaýshylar tizimimen jumys kún saıyn júrgizilýi tıis. Saılaý quqyǵyn iske asyrý múmkindikteri týraly azamattardy habardar etýdi qamtamasyz etý mańyzdy. Daýys berý oryndary týraly aqparat ashyq jáne qoljetimdi bolýy tıis», - dedi oblys ákimi Jeńis Qasymbek.

Ákimdikterdiń saıttarynda «Saılaýshylar tiziminde ózińdi tekser» qosymsha beti qoljetimdi, onda turǵyndar óz saılaý ýchaskesiniń nómiri men mekenjaıyn da bile alady.

Óńir basshysy saılaý ýchaskelerin jabdyqtaý jáne múmkindigi shekteýli jandarǵa jaǵdaı jasaý jóninde tapsyrma berdi.