Qaraǵandy oblysynda 600-den astam pedagog tapshy
QARAǴANDY. QazAqparat - Qaraǵandy oblysynda mektepterge muǵalimderdiń jetispeýi ózekti máselege aınaldy, dep habarlaıdy «QazAqparat» HAA tilshisi.
«Oblysta barlyǵy 19 724 pedagog, sonyń ishinde 53%-y joǵary jáne birinshi sanatty muǵalimder jumys jasaıdy. Osy oqý jylynda bilim berý uıymyna 582 jas maman qabyldanyp, 172 pán muǵalimi aýyldyq óńirlerge jiberildi. Sonymen qatar, 609 pedagogıkalyq kadr jetispeıdi. Negizinen, jaratylystaný-matematıka baǵytyndaǵy, aǵylshyn tili jáne orys mektepterindegi bastaýyp synyp muǵalimderi tapshy», - dedi oblystyq bilim berý basqarmasynyń jetekshisi Ashat Maımaǵambetov oblys ákiminiń apparattyq jınalysynda.
Onyń aıtýynsha, Qaraǵandy, Temirtaý, Buqar jyraý jáne Nura aýdandarynda muǵalimder jetispeıdi. Vedomstvonyń aqparatyna súıensek, pedagogtardy maqsatty daıarlaýǵa 20,9 mln teńge bólindi.
