Qaraǵandy oblysynda 58 jastaǵy kásipkerdiń ólimine qatysty qylmystyq is ashyldy - QR ІІM
ASTANA. 2 naýryz. QazAqparat /Jasulan Amanbaıuly/ - Qaraǵandy oblysynda 58 jastaǵy er azamattyń ólimine qatysty qylmystyq istiń beti ashyldy.
Bul týraly búgingi baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Kásipkerdiń óli denesi, resmı ókildiń aıtýynsha, onyń avtobólshekter satatyn dúkeninde tabylǵan. Kassadan 70 myń teńge somasyndaǵy aqsha, al aýladan jábirlenýshiniń «Toıota Prado» kóligi joǵalǵan.
«Sol kúni jol polıtsııasynyń qyzmetkerleri «Tosqaýyl» josparyn iske qosty. Nátıjesinde urlanǵan kólik ustalyp, qylmysty jasaýshylar - 20-22 jas aralyǵyndaǵy eki jergilikti turǵyn qamaýǵa alyndy»,-dep málim etti resmı ókil.
Kúdiktiler kólikti urlaý maqsatynda dúkenge avtobólshekter satyp alamyz degen syltaýmen kelgenderi belgili boldy. Sodan keıin dúken ıesiniń jalǵyz qalǵanyn ańdyp, ony óltirgen jáne kassadaǵy aqshany jymqyryp, jábirlenýshiniń kóligimen boı tasalaǵan.
