Qaraǵandy oblysynda 58 myńnan astam mektep oqýshysy shtattyq rejımde bilim alatyn boldy
NUR-SULTAN. QazAqparat - Qaraǵandy oblysynda osy jyly mektepte 58 myń bastaýysh synyp oqýshysy, olardyń ishinde birinshi synyp oqýshylarynan 21,5 myń oqýshy bilim alady, dep habarlaıdy oblystyq ákimdiktiń baspasóz qyzmeti.
Jańa oqý jyly pandemııaǵa baılanysty mektep oqýshylarynyń kópshiligi úshin qashyqtyqtan bastalǵany barshańyzǵa málim. Shtat rejıminde shaǵyn jınaqty aýyl mektepteri ǵana jumys isteıdi, onda 17 288 adam oqıdy.
Dástúrli synyp saǵaty oqytý túrine baılanysty onlaın jáne mektepterde tikeleı ótti. Taqyryptary QR Konstıtýtsııanyń 25 jyldyǵyna, uly oıshyl Ál-Farabıdiń 1150 jyldyǵyna jáne Abaı Qunanbaevtyń 175 jyldyǵyna arnaldy.
Qashyqtyqtan oqytý SDOT «Bilimal», Daryn.online.kz jáne Edupage sııaqty ınteraktıvti platformalar arqyly ótedi.
Qaraǵandy oblysynyń ákimi Jeńis Qasymbek mektepterdiń jańa realııge qalaı daıyndalyp jatqanymen tanysty. Óńir basshysy №103 mektep-lıtseıde bolyp qaıtty.
- Barlyq mektepter oqytý formatyna baılanysty sanıtarııalyq quraldarmen qamtamasyz etilgen. Búginde oqýlyqtardy tıeý jáne jetkizý tolyǵymen aıaqtaldy. Áleýmettik osal otbasylardyń oqýshylary roýterlermen jáne modemdermen qamtamasyz etilgen. Sonymen birge bıýdjettik qarajattar esebinen muqtaj adamdarǵa balans toltyryldy. Oqýlyqtar berý boıynsha jumystar aıaqtalýda, - dep Bilim basqarmasynyń basshysy Gúlsim Qojahmetova baıandady.
Onyń aıtýynsha, mektepter erekshe bilim qajettilikterimen balalardy oqytý úshin daıyn.
Jeńis Qasymbekke kolledjderde oqýdyń qalaı ótetinin baıandady.
Sanıtarııalyq-epıdemıologııalyq jaǵdaılardy eskere otyryp oqý protsesi aralas rejımde uıymdastyrylǵan. Shtat rejıminde 8 aýyl kolledjderi oqýyn bastady, onda stýdentter sany 200 adamnan aspaıdy. Qalǵan kolledjder oqytý qashyqtyq formatynda ótedi.
Internetke qoljetimdiligi joq 1 350 stýdentter úshin bólmede bir adam bolý talabymen – jataqhanada turyp qashyqtyqtan oqytý uıymdastyryldy. Olarǵa tamaq ashanadan shyǵarylyp qamtamasyz etiledi.
Oblysta 69 kolledj jumys isteıdi. Osy oqý jylynda barlyǵy 39 751 stýdent oqıdy.
Oblys ákimi Jeńis Qasymbek mektep oqýshylarynyń jáne stýdentteriniń sapaly oqýyn qamtamasyz etýdi talap etti.
- Jańa oqý jyly dástúrli emes formatta bastalady. Bul barlyǵy úshin qıynyraq bolady. Qala jáne aýdan ákimderine Bilim basqarmasymen birlesip jumysty kúsheıtý qajet. Sanıtarııalyq talaptardy saqtaýdy jáne qaýipsizdikti qamtamasyz etýdi erekshe baqylaýǵa alý kerek, - dep atap ótti.
