Qaraǵandy oblysynda 52 jolaýshy qar qursaýynan qutqaryldy
QARAǴANDY. QazAqparat - Qaraǵandylyq qutqarýshylar qar qursaýynan 52 adamdy shyǵardy, dep habarlaıdy QazAqparat.
22-23 qańtar aralyǵynda oblystyq tótenshe jaǵdaılar departamentiniń bólimsheleri avarııalyq-qutqarý jumysyna 2 ret shyqqqan.
Onyń barysynda qar qursaýynan 52 adam qutqaryldy.
Azamattyq qorǵaý organdarynyń qyzmetkerleri bárin qaýipsiz jerge evakýatsııalady.
22 naýryz kúni saǵat 14.30-da Qarqaraly aýdanynda «Qaraǵandy – Aıagóz-Buǵaz» avtojolynyń 207 shaqyrymynda, Qarqaraly qalasynan 7 shaqyrym jerde Qaraǵandy oblysynyń TJD qutqarýshylary qar qursaýynda qalyp qoıǵan «Toyota Carina « avtokóliginen 4 adamdy qutqaryp, Qarqaraly qalasyna jetkizdi.
Qutqarylǵandar medıtsınalyq kómekti qajet etpedi.
22 naýryz túngi 22.10 shamasynda Aqtoǵaı aýdanynda «Aqoı-Aqtoǵaı-Balqash» avtojolynyń 160-shaqyrymynda Qaraǵandy oblysy TJD kúshimen jáne «Berer» JShS qyzmetkerlerimen qardan tazalanǵan ýchaskege 16 jeńil avtokólik shyǵaryldy.
Salonda 48 adam boldy. Onyń ishinde 7 bala bar. Olar medıtsınalyq kómekten bas tartty.
Qaraǵandy oblysynyń aýmaǵynda aýa raıy buzyldy. Oblystyń basym bóliginde boran soǵyp tur.
Qutqarýshylar aýa raıy nasharlaǵan kezde eldi mekennen tys jerge jaıaý jáne kólikpen jolǵa shyqpaýdy usynady.
Barlyq oqıǵalar men TJ faktileri týraly 112 nemese 8(7212)43-36-36, 43-37-37 telefondaryna habarlasýǵa bolady.
