Qaraǵandy oblysynda 52 adam koronavırýs juqtyrǵan
QARAǴANDY. QazAqparat – 11 maýsymdaǵy málimet boıynsha Qaraǵandy oblysynda koronavırýs ınfektsııasynyń aýrý belgisimen 52 adam tirkeldi. Ósim – 4 paıyz, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram-daǵy paraqshasyna silteme jasap.
«PTR dıagnostıkalyq zertteý nátıjeleri boıynsha 52 adamda COVID-19 vırýsy anyqtaldy, tirkelgen jaǵdaılar skrınıng barysynda jáne jaqyn baılanysta bolǵandardy tekserý nátıjesinde anyqtaldy.
Atap aıtsaq, Qaraǵandy qalasynda – 36 adam, Temirtaý qalasynda – 1, Saran qalasynda – 6, Q.Sátbaev qalasynda – 4, Shahtınsk qalasynda – 4, Abaı aýdanynda – 1 adam anyqtaldy», delingen habarlamada.
Barlyǵy juqpaly aýrýlar statsıonaryna jatqyzyldy. Qazirgi ýaqytta naýqastardyń jaǵdaıy qanaǵattanarlyq, em alyp jatyr. Oshaqtarda dezınfektsııa júrgizildi.
11 maýsymdaǵy ahýal boıynsha oblysta koronavırýs ınfektsııasymen jalpy 1 342 adam tirkelgen, onyń ishinde 619 patsıent jazylyp shyqty.
