Qaraǵandy oblysynda 51 adam ákimshilik qamaýǵa alyndy

QARAǴANDY. QazAqparat – Qaraǵandy oblysyndaǵy qoǵamdyq-saıası jaǵdaı turaqty. Aımaq komendanty Erlan Faızýllınniń aqparaty boıynsha, ótken táýlikte tártip saqshylary 13 qylmystyq quqyq buzýshylyqty ashty, dep habarlaıdy QazAqparat tilshisi.

TJ rejımin buzǵany úshin barlyǵy 586 ákimshilik hattama toltyryldy. 51 adam ákimshilik qamaýǵa alyndy. 14 buzýshyǵa aıyppul salyndy, taǵy 460 adam eskertý aldy.

Polıtsııa qyzmetkerleri tyıym salynǵan 36 zatty tárkiledi. Balqash blok-beketinen 53 jastaǵy qala turǵyny basqarǵan Land Cruiser avtokóliginen tegis uńǵyly qarýǵa 6 patron tabyldy. Iesine qatysty azamattyq qarýǵa patrondardy tasymaldaý tártibin buzǵany úshin hattama jasaldy.

Sondaı-aq, TJ kezinde polıtsııa qyzmetkerleri 16 birlik tegis uńǵyly qarý, 6 pyshaq tárkilep,

esirtki zattaryn saqtaýdyń 8 faktisin anyqtady.

Qaraǵandy oblysynyń polıtsııa departamenti turǵyndardy tótenshe jaǵdaı rejımin buzbaýǵa

shaqyrady jáne polıtseılerdiń jumysyna túsinistikpen qaraıtyn jáne olarǵa járdem kórsetetin azamattarǵa alǵys bildiredi.