Qaraǵandy oblysynda 500 zańsyz mıgrant jaýapqa tartyldy
QARAǴANDY. QazAqparat - Qaraǵandy oblysynda 3 kún ishinde 500-den astam sheteldik azamat ákimshilik jaýapkershilikke tartyldy, dep habarlaıdy QazAqparat.
«Zańsyz kelýshi-2018» sharasynyń úsh kúni ishinde oblys bólimsheleri 516 sheteldik azamatty ákimshilik jaýapkershilikke tartty» , - dep habarlaıdy Qaraǵandy oblystyq ІІD.
Mundaı sheshim Ujymdyq qaýipsizdik sharty uıymyna qatysýshy memleketterdiń aýmaǵynda zańsyz mıgratsııaǵa qarsy uıymdastyrylǵan «Zańsyz kelýshi» jedel aldyn alý sharasy barysynda qabyldanǵan.
«Elden shyǵarý týraly sot sheshimin oryndamaǵany úshin Ózbekstan Respýblıkasy men Reseı Federatsııasynyń azamattaryna qatysty QR QK-niń 393-babyna sáıkes 2 qylmystyq iz qozǵaldy», - delingen habarlamada.
21 jumys berýshi sheteldik jumys kúshin tartý tártibin buzǵany úshin ákimshilik jaýapkershilikke tartyldy. 41 sheteldik azamat elden shyǵaryldy.
