Qaraǵandy oblysynda 500 tonnadan astam qurǵaq shóp pen pishen órtenip ketti
QARAǴANDY. QazAqparat - Qaraǵandy oblysy Jańaarqa aýdany Qaraǵash aýyldyq okrýginde iri órt shyqty. Tilsiz jaýdyń saldarynan 560 tonna shóp janyp ketti, dep habarlaıdy QazAqparat tilshisi.
21 shildede Jańaarqa aýdanyndaǵy Qaraaǵash aýyldyq okrýginde 1185 ga alqapta 560 tonna jınalǵan pishen men qurǵaq shóp janyp ketti. Órt sharýa qojalyǵy jumyskerleriniń kúshimen sóndirildi.
Tutaný aldyn ala boljam boıynsha, órt qaýipsizdik erejelerin saqtamaý, tehnıkany ushqyn sóndirgishsiz qoldanýdyń saldarynan bolýy múmkin.
Egin jınaý jáne jem-shóp daıyndaý kezeńinde bolatyn órtterdiń 80%-y adamnyń kinásinen týyndaıdy. Ot jaǵý kezinde qaýipsizdiń erejesin saqtamaý, temekiniń tuqylyn tastaý, balalardyń sirińkemen oınaýy, aýyl sharýashylyǵy tehnıkasynyń jáne kóliktiń ushqyn sóndirgishterinen shyqqan aqaý, qurǵaq kezde túsken naızaǵaılar órttiń shyǵýyna sebep bolady.
Órttiń aldyn-alý úshin órt qaýipsizdigi rejımi men qaýipsizdik sharalaryn saqtaý qajet.
