Qaraǵandy oblysynda 4500 bıznes-joba memlekettik qoldaýǵa ıe bolady
Onda kásipkerlerge qolaıly klımat jasaý úshin jańa quraldar engizilýde. Mysaly, bıyl kásipkerler kópten suraǵan geoaqparattyq portal iske qosylady. Bul jer ýchaskelerin berý protsesin ashyq etedi jáne sybaılas jemqorlyq táýekelderin azaıtady.
Oblys ákimi Ermaǵanbet Bólekpaev kásipkerlermen kezdesýde óńirdegi bıznestiń damýyna taǵy ne kedergi bolatynyn talqylady.
«Shaǵyn jáne orta bıznes sektorynda oblystyń barlyq jumyspen qamtylǵan halqynyń 40%-dan astamy jumyspen qamtyldy. Ótken jyly 5 myńnan astam kompanııa memlekettik qoldaý sharalaryn paıdalandy. Biz bastamashylyq etken «Kásipker» óńirlik kásipkerlikti damytý baǵdarlamasy bıznes úshin úlken kómek boldy. Onyń suranysyn eskere otyryp, bıyl nesıe portfelin úsh esege arttyrýdy josparlap otyrmyz. Bizdiń mindetimiz - bolashaqta ekonomıkanyń ósý núktesine aınalatyn 4,5 myńǵa jýyq bıznes jobasyn qarjylandyrý», – dep atap ótti óńir basshysy.
Aqparattandyrý, memlekettik qyzmetter kórsetý jáne arhıvter basqarmasynyń basshysy Rýstam Baıjanov geoportal qurý týraly tolyǵyraq aıtyp berdi. Onyń aıtýynsha, iske qosylǵannan keıin jer ýchaskelerin rásimdeý ońaı ári jyldam bolady. Qyzmetti avtomattandyrý úshin biryńǵaı memlekettik jyljymaıtyn múlik kadastrymen jáne elektrondyq úkimet portalymen ıntegratsııa jasaldy.
Kásipkerler tsıfrlyq quraldyń yńǵaılylyǵy boıynsha óz usynystaryn engizdi.
Kezdesýde bar problemalar da talqylandy. Kásipkerler elektr energııasyna tarıfterdiń qalyptasýyn ózgertýdi suraıdy. Sonymen qatar, jumysshy kadrlardyń jetispeýshiligi, granttyq qarajattyń paıdalanylýyn baqylaý qajettiligi týraly aıtyldy. Týrızmdi damytý, qurylys jumystarynyń JSQ túzetý máseleleri kóterildi.
«Sizderdiń barlyq suraqtaryńyzdy baqylaýǵa alamyn. Kadrlardy daıarlaý jáne týrızmdi damytý boıynsha jeke jıyndar ótkizemiz. Saraptamalyq keńes formatynda únemi kezdesip turatyn bolamyz», – dedi Ermaǵanbet Bólekpaev.
Foto: gov.kz
