Qaraǵandy oblysynda 43 myńnan astam adam «Eńbek» baǵdarlamasyna qatysty
NUR-SULTAN. QazAqparat - 2019 jylǵy on aıdyń qorytyndysy boıynsha Qaraǵandy oblysynda 43 853 adam 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy. 33 901 adam jumysqa ornalastyrylsa, onyń 30 621-i turaqty jumys ornymen qamtyldy, dep habarlaıdy QazAqparat atalmysh vedomostvonyń baspasóz qyzmetine silteme jasap.
Batys Qazaqstan oblysynda eńbek naryǵynda suranysqa ıe kásipter boıynsha kásibı daǵdylardy qalyptastyrý maqsatynda azamattardyń jekelegen sanattary úshin qysqa merzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty aıasynda 3 528 adam qamtylǵan. Qysqa merzimdi kásiptik oqýdy aıaqtaǵannan keıin jumyspen qamtý ortalyqtary memlekettik baǵdarlamaǵa qatysýshylarǵa jumysqa ornalasýda kómek kórsetedi.
Memlekettik baǵdarlamanyń ekinshi baǵytynyń negizgi mindeti azamattardyń kásipkerlik bastamalaryn damytý bolyp tabylady. Onyń sheńberinde bastapqy bıznesti iske asyratyn jáne iske asyrýdy josparlaıtyn, sondaı-aq buryn basqa memlekettik baǵdarlamalar sheńberinde qarjylaı qoldaý almaǵan úmitkerlerge óteýsiz jáne qaıtarymsyz negizde 100 jáne 200 AEK mólsherinde memlekettik granttar beriledi. Budan basqa, aýylda jáne qalalarda kásipkerlik áleýeti bar, isin jańadan bastaǵan kásipkerlerge, aýyl sharýashylyǵy kooperatıvterine jáne zeınetkerlik jasyna jetpegen olardyń múshelerine, sharýa jáne fermer qojalyqtaryna mıkrokredıtter beriledi.
Qaraǵandy oblysynda shaǵyn nesıemen 1 328 adam qamtyldy. 100 AEK-ke deıingi memlekettik granttardy Memlekettik baǵdarlamanyń 85 qatysýshysy, 200 AEK-ke deıin – 1 190 adam aldy (jastar, tabysy az jáne kópbalaly otbasylardyń músheleri, múgedektigi bar adamdar).
Memlekettik baǵdarlamanyń úshinshi baǵyty azamattardyń jekelegen sanattaryn jumyspen qamtý úshin memleket sýbsıdııalaıtyn jumys oryndaryn qurýdy qarastyrady. Ony júzege asyrý aıasynda Batys Qazaqstan oblysynda 8 293 adam jumysqa ornalastyryldy, onyń ishinde 830-y áleýmettik jumys oryndaryna, 1 452-si jastar praktıkasyna jáne 6 011 adam qoǵamdyq jumystarǵa jiberildi.
