Qaraǵandy oblysynda 400-den astam adam, 172 kólik qar qursaýynan qutqaryldy

dep habarlandy oblystyq TJD-niń baspasóz qyzmetinen.

«Qaraǵandy oblysynyń aýmaǵynda 7 naýryz saǵat 11.00-den bastap aýa raıy kúrt ózgerdi (qarly burqasyn, boran, qar qursaýy). Shuǵyl kómek kórsetilip, 411 adam qaýipsiz aımaqqa kóshirildi, 172 tehnıka qar keptelisinen shyǵaryldy», - delingen habarlamada.

Keshe Shet aýdanynda Shoıyntas kenishinen jaıaýlatyp shyqqan 7 adam adasyp ketken. Qutqarýshylar uıaly telefon arqyly baılanysyp, baǵyt-baǵdar berdi. Olar kenishke aman-esen qaıta oraldy.

Abaı aýdanynda «Almaty-Ekaterınbor» tas jolynyń 1533 shaqyrymynda, Spassk jáne Aqbastaý arasynda kólikter legi keptelip qaldy. «Buǵan 11 tehnıka, 40 adam jumyldyryldy. 8 naýryz kúni saǵat 5-ke qaraı keptelis joıyldy, qozǵalys jandandy. Nátıjesinde 29 adam qaýipsiz aımaqqa kóshirildi, qarǵa maltyqqan 88 tehnıka men 256 adam qutqaryldy.

TJD aqparaty boıynsha, Osakarov aýdanynda «Almaty-Ekaterınbor» tas jolynyń 1396 shaqyrymynda jol-kólik apaty oryn aldy, sonyń saldarynan 31 kólik turyp qaldy. Keptelisti joıý úshin tehnıka jáne jol uıymdary men JPB-niń jeke qurylymy jumyldyryldy.

Nura aýdanynda 7 naýryzda «Shubarkól» razreziniń soltústik-batysyndaǵy jańa temirjol qurylysynyń ýchaskesinde 10 tehnıka - 7 samosval, 2 býldozer, 1 greıder qar keptelisinde qalyp qoıdy. Saǵat 14.00-de oqıǵa ornyna 5 adam men «Naıza-Qurylys» JShS-niń 5 tehnıkasy shyqty. Saǵat 18.00-de 23 adam shyǵarylyp, Shubarkól kentine jetkizildi.

Qaraǵandyda beısenbi kúni keshqurym «Solonıchkı-Sortırovka» tas jolynda 4 jeńil kólik qar qursaýynda qalyp qoıdy. Qutqarýshylar Sortırovka kentine 12 adamdy jetkizdi.