Qaraǵandy oblysynda 40-tan astam maral erkindikke jiberildi

Bir ǵasyrǵa jýyq ýaqyt buryn joıylyp ketken jabaıy maral, Saryarqa jerinde qaıta mekendeı bastady. ​ Bul Osakarov aýdanyna qarasty «Buırataý» memlekettik-ulttyq tabıǵı parkiniń 17 jyldan beri júzege asyryp kele jatqan keshendi jumysynyń nátıjesi.

Atalmysh qoryqtyń aýmaǵy 400 gektardan asady. Osy jerde ulttyq park qyzmetkerleri jabaıy maraldardyń sanyn kóbeıtip, jýyrda 40 janýardy erkindikkejiberdi.

Aıta ketý kerek, 2002 jyldan beri sırek kezdesetin bul janýarlar tobyn mamandar osymen jetinshi márte tabıǵatqa jiberip otyr. Jyl saıyn qoryqtan 50-ge jýyq janýar jiberilip otyrady. Qazirgi tańda mamandardyń aıtýynsha, Ortalyq Qazaqstan aýmaǵynda 200-den astam maral mekendeıdi.

«Bostandyqqa jiberilgen janýarlar kúzge deıin osy qorshaý mańynda júredi. Sebebi jem-shópke úırenip qalǵan. Keıin qysqa qaraı dalaǵa kete bastaıdy. Buryn Ortalyq Qazaqstanda maraldardyń sany kóp bolǵan, keıin brakonerlerdiń kesirinen, adamı faktordan joılyp ketken», - deıdi «Buırataý» MUTP bólim basshysy Qaharman Qabdylmurat.

Bul janýarlar​erterekte ​ Qaraǵandy oblysynda kóptep kezdesetin, deıdi mamandar.

Aldyńǵy legi soǵys pen asharshylyq jyldary qyrylǵan bolsa, qalǵan maraldardy brakonerler qutqan.

Al búgingi kúnderi «Buırataý» memlekettik parkine maraldar Qarqaraly, Kókshetaý, Qaton-Qaraǵaıdan ákelingen. Olardyń bir toby erkindikke jiberilse, bir toby qoryqta qaldy.​

Ulttyq park mamandarynyń aıtýynsha, qoryq aýmaǵyn 91 arnaıy memlekettik ınspektor kúzetedi. Olar qasqyrlar men zańsyz ańshylarmen kúresedi. Sebebi jyl saıyn jyrtqyshtar men brakonerlerdiń saldarynan maraldyń sany 4-5-ke azaıady.

Qazirgi ýaqytta ınspektorlar baqylaýdy kúsheıtken. Sebebi mamyr aıynda maraldardyń​ tóldeıtin ýaqyty bastalady. Osy joly da jabaıy tabıǵatqa jiberilgenderi ​ tóldep jatyr, deıdi mamandar. Boljam boıynsha janýarlardyń ​ jalpy sany aldaǵy ýaqytta 500-ge deıin ​ jetýi tıis.