Qaraǵandy oblysynda 4 jasar bala ekinshi qabattan qulap ketti
QARAǴANDY. QazAqparat - Qaraǵandy oblysynyń Abaı qalasynda tórt jasar bala ekinshi qabattyń terezesinen qulap tústi, dep habarlaıdy QazAqparat tilshisi.
«17 maýsym kúni Abaı qalasynda ata-anasynyń qaraýynsyz qalyp qoıǵan 4 jasar ul bala ekinshi qabattyń terezesinen qulap ketken», - dedi Qaraǵandy oblystyq Tótenshe jaǵdaılar departamentiniń baspasóz qyzmetindegiler.
Sondaı-aq, 5 maýsym kúni Balqash qalasynda ekinshi qabattyń balkonynan abaısyzda 2016 jyly dúnıege kelgen qyz bala qulap ketti. Osyǵan uqsas oqıǵa Buqar Jyraý aýdanynyń Alǵabas aýylynda da bolǵan. Sharýashylyq maqsatyndaǵy bıiktigi 2-3 metr bolatyn ǵımarattan 10 jasar qyz bala qulap ketken. Zardap shekken balalar ártúrli jaraqattarmen aýrýhanaǵa jetkizildi.
Mekemede málim etkendeı, ótken 2017 jyly oblys boıynsha balalardyń terezeden qulaýyna qatysty 20 oqıǵa tirkelgen. Tótenshe jaǵdaılar departamentindegiler ata-analardy jaz mezgilinde muqııat bolýǵa jáne qarapaıym qaýipsizdik sharalaryn saqtaýǵa shaqyrady.
