Qaraǵandy oblysynda 311 myń tonna kartop jınaldy
QARAǴANDY. QazAqparat - Aǵymdaǵy jyly óńirde jınalǵan kartop mol boldy. Bul týraly aımaqtyq kommýnıkatsııalar qyzmetinde ótken brıfıngte Qaraǵandy oblysynyń Aýylsharýashylyq basqarmasynyń basshysy ıÝrjan Bekqojın málim etti, dep habarlaıdy oblys ákimdiginiń resmı saıt y.
- Bizdiń esepteýimizshe oblysymyzdyń bir jyldyq kókóniske degen qajettiligi 200 myń tonnany quraıdy. Onyń ishinde kartop - 132 myń tonna. Biz bıylǵy jyly 311 myń tonna kartop, 101,0 myń tonna kókónis jınadyq. Jańa tehnologııalar men tyńaıtqyshtardy paıdalanýdyń nátıjesinde jınalǵan bul ónim ótken jylmen salystyrǵanda sál kópteý, - dedi ıÝrjan Bekqojın.
Kartop baǵasynyń ósýi, onyń aıtýynsha, Qaraǵandy oblysynan kókónisterdi Ózbekstan men Qazaqstannyń basqa da aımaqtaryna tasymaldanýymen baılanysty.
- Bizdiń naryqtan Ózbekstanǵa shamamen 7,5 myń tonna jiberildi, - deıdi aýylsharýashylyq basqarmasynyń jetekshisi. - Oǵan qosa, kartop respýblıkanyń ońtústik aımaqtarynda tapshy boldy, ásirese Almaty oblysynda. Mine, sondyqtan baǵa kóterilip ketti. Ózbekstan men elimizdiń ońtústik aımaqtarynan kelgen satyp alýshylar qaraǵandylyq kartopty alqaptardan ala bastady, osylaısha baǵany kóterip jiberdi. Onyń bir kelisi 100 teńgege deıin ósip ketti. Biraq qazir Ózbekstanǵa kartop jiberilip jatqan joq, Almaty oblysyna Reseı men Belarýsten jetkizildi. Sonyń nátıjesinde bizdegi baǵa biraz turaqtaldy. Qazirgi tańda kartoptyń baǵasy 89-90 teńgeni quraıdy».
