Qaraǵandy oblysynda 30-dan astam úıdiń shatyryn jel ushyryp ketti
ASTANA. QazAqparat - Qaraǵandy oblysynda qatty jel soǵyp, 30-dan astam úıdiń shatyry kúıredi, dep habarlaıdy QazAqparat tilshisi QR ІІM TJK baspasóz qyzmetine silteme jasap.
«20 tamyz kúni saǵat 20:12-de Nura aýdanyna qarasty Tassýat aýylynda ekpini sekýndyna 18 metrge jetetin dúleı jel «Mádenıet úıiniń» shatyrynyń 630 sharshy metr (ǵımarattyń jalpy aýmaǵy 788 sharshy metr) aýmaǵyn, Tassýat orta mektebi ǵımaraty shatyrynyń 20 sharshy metrin (jalpy aýmaǵy 2518 sharshy metr), jeke 31 turǵyn úıdiń jáne «Nura Bıdaı» JShS qoımalarynyń shatyrynyń 3135 sharshy metr aýmaǵyn julyp áketken», delingen habarlamada.
Oqys oqıǵadan zardap shekkender men qaza tapqandar joq. Oqıǵa ornynda komıssııa jumys jasap jatyr.
