Qaraǵandy oblysynda 3 shopan boranda adasyp ketken
Oblystyń basym bóliginde aýa raıy qolaısyz: aqtútek boran soǵyp, qar jaýýda, sonyń saldarynan joldy kórý múmkindigi nasharlap, kóktaıǵaq tirkeldi.
29 naýryzda Qaraǵandy oblysy Tótenshe jaǵdaılar departamentiniń qutqarýshylary eki izdestirý-qutqarý jumysyn júrgizdi.
Qaraǵandy qalasy Tıhonovka qaıyń toǵaıy aýmaǵynda 40 jastaǵy shopandy izdestirý júrgizildi. Ol 29 naýryzda saǵat 20:00 shamasynda mal izdeýge shyǵyp, oralmaǵan. 30 naýryzda 00:55-te atalǵan azamat Tıhonovskaıa qaıyń toǵaıynan 2 km qashyqtyqta tabyldy.
«Sondaı-aq 30 naýryzda Buqar Jyraý aýdany, Jańaqala aýylynda Qaraǵandy oblysynyń TJD kúshimen 1969 jáne 1972 jyldary týǵan baqtashylardy izdeý júrgizildi. Olar saǵat 19.00 shamasynda mal izdeýge traktormen shyǵyp ketip, oralmaǵan. 30 naýryz kúni saǵat 02.00-de iz-túzsiz joǵalǵandar Jańaqala aýylynan 5 shaqyrym jerden tabylyp, Botaqara kentine jetkizildi. Medıtsınalyq kómek qajet bolmady», - dep habarlady Qaraǵandy oblysy TJD baspasóz qyzmeti.
