Qaraǵandy oblysynda 3 myńnan astam kásipker óz jumysyn qaıta bastady
QARAǴANDY. QazAqparat - Qaraǵandy oblysynda 17 tamyzdaǵy jaǵdaıy boıynsha https://infokazakhstan.kz/ portalynda 3 260 kásipker tirkelgen. Bul jaıynda Qaraǵandy oblysynyń Kásipkerler palatasynyń dırektory Ernar Kúlpeısov málim etti, dep habarlaıdy QazAqparat óńir basshysynyń resmı saıtyna silteme jasap.
Eske sala keter bolsaq, «Atameken» UKP bas sanıtarlyq dárigerdiń qaýlysyn qabyldaǵan kúni, 14 tamyzda, InfoKazakhstan.kz platformasyn iske qosty, ol arqyly ár kásipker qyzmetin qaıta bastaıtyndyǵy jaıynda ótinishti bere alady. Bul plotforma kabınetterdi aralaýdan, qujattardy jınaýdan bosatady.
InfoKazakhstan.kz platformasyna kirgen ýaqytta kásipkerlerdiń keıbir derekteri (kásiporynnyń ataýy, BSN) avtomatty túrde júkteletini mańyzdy, al qalǵan úlgiler 10-15 mınýttyń ishinde toltyrylady. Platormanyń servısin desktop-nusqada kompıýter arqyly qoldanýǵa bolady, mobıldi nusqasynyń qyzmeti tolyqqandy jumys istemeıdi.
Kásipkerlerge keńes berý úshin kol-ortalyq 1432 (qońyraý tegin) táýlik boıy jumys isteıdi. Qaraǵandy oblysy boıynsha - (8-7212) 50-64-13. Sonymen qatar, telegram-kanal t.me/infokazakhstan iske qosylǵan, onda portaldyń jumysy týraly jańalyqtar jáne bıznes kásipkerleri úshin kóptegen paıdaly ózge de aqparattar jarııalanyp turady.
