Qaraǵandy oblysynda 3 kún buryn joǵalyp ketken qarııa tabyldy
QARAǴANDY. QazAqparat- Qaraǵandylyq qutqarýshylar 3 kún buryn joǵalyp ketken qarııany tapty, dep habarlaıdy QazAqparat tilshisi.
12 maýsymda Qaraǵandy oblysynyń qutqarýshylaryna Ulytaý aýdanynyń Amangeldi aýylynda belgisiz jaǵdaıda 76 jastaǵy aqsaqal joǵalyp ketkendigi týraly habar kelip tústi.
Aýylda qutqarýshylar, polıtsııa, jergilikti atqarýshy organdar men joǵalǵan aqsaqaldyń týystarynan quralǵan izdeý toby quryldy. Sondaı-aq, qarııany izdestirýge «Eýrazııa Eır» kompanııasynyń tikushaǵy jumyldyryldy.
13 maýsymda keshki saǵat 18:42-de top músheleri adasqan qarııanyń Aqtas aýylynan 25 shaqyrym jerden taýyp aldy.
Er adam tikushaqpen medıtsınalyq tekserý jáne qajetti kómek kórsetý úshin Jezqazǵan qalasynyń medıtsınalyq mekemesine jetkizildi. Sońǵy málimetter boıynsha, qutqarylǵan qarııanyń jaǵdaıy birqalypty ekendigi aıtyldy.
