Qaraǵandy oblysynda 3 aýyldyń ataýy ózgeredi
QARAǴANDY. QazAqparat - Qaraǵandy oblystyq máslıhatynyń depýtattary 3 aýyldyń ataýyn ózgertý týraly usynysty qoldady, dep habarlaıdy QazAqparat.
Eldi mekenderdiń ataýyn ózgertý sheshimi olardyń ataýlarynyń ıdeologııalyq turǵyda eskirýinde bolyp otyr.
Qaraǵandy oblystyq tilderdi damytý basqarmasynyń jetekshisi Gúlnaraıym Qańtarbekovanyń málimetinshe, kóshelerdiń ataýlaryn aýystyrý - aýqymdy shara jáne ol búkil respýblıka boıynsha júrip jatyr.
«Aýyl turǵyndarynyń kelisimimen Kıevka aýyly Nura, Dalnıı aýyly- Amanqońyr, Şerbakovskoe aýyly- Qaınar bolyp ózgertiledi»,-dedi Gúlnaraıym Qańtarbekova.
Sonymen qatar Prıozersk qalasyndaǵy Tsentralnaıa kóshesi - Táýelsizdik, Pıonerskaıa kóshesi - Aqmamyq, Nagornaıa kóshesi Kókjıek bolyp ózgeredi. Al, Prımorskıı kóshesine - Báıterek, Prıozernaıa kóshesine - Kókteńiz, Novaıa kóshesine - Qorjyntúbek, Peschanaıa kóshesine - Naýryz ataýlary berilip, Býlvar Sovetskoı Armıı - Jeńis býlvary bolady.
Atalǵandarmen qosa, Sátbaevtaǵy № 6 shaǵyn aýdan Nurly meken dep atalady. Depýtattar aýyldar men kóshelerdiń ataýlaryn aýystyrý týraly usynysty biraýyzdan qoldady. Kósheler men aýyldardaǵy ataýlar jazylǵan jazýlardy ózgertýge qansha qarjy jumsalatyny týraly ázirge eshteńe aıtylmaıdy. Jaqyn kúnderde depýtattar qabyldaǵan qaýly ádilet organdarynda tirkeledi.
