Qaraǵandy oblysynda 3,5 myńnan astam adamnyń baspana máselesi sheshildi
NUR-SULTAN. QazAqparat - Qaraǵandy oblysyndaǵy negizgi qorlardy ınvestıtsııalaý 1,6 ese ósken.
Bul týraly Ortalyq kommýnıkatsııalar qyzmetinde ótken brıfıngte Qaraǵandy oblysynyń ákimi Jeńis Qasymbekov aıtty, dep habarlaıdy QazAqparat tilshisi.
«2019 jyly 11 aı ishinde ekonomıkalyq ósim 106,6% qurady. Negizgi qorlardy ınvestıtsııalaý 1,6 ese ósip, 685 mlrd teńge boldy. Bul kórsetkish jyl sońyna deıin 700 mlrd teńgege deıin ósedi», - deıdi Jeńis Qasymbek.
Onyń aıtýynsha, qurylys jumystarynyń kólemi 2 esege ósip, 372, 2 myń sharshy metr kóleminde úı salyndy.
«Kelesi jyly 630 sharshy metr úı salynbaq. Osy jyly oblystaǵy 3,5 myńnan astam adamnyń baspana máselesi sheshildi. Onyń ishinde 1008 adam »áleýmettik kezekte« tur», - deıdi ol.
Sondaı-aq, oblys ákimi Qaraǵandy, Temirtaý jáne Jezqazǵan qalalaryndaǵy 300 úıdiń gaz qosýǵa daıyn ekendigin aıtty.
2021 jylǵa deıin 1 mln adam, 100 eldi meken nemese 68 000 úı, 700 kásiporyn kógildir otynmen qamtylady.
