Qaraǵandy oblysynda 27 júk kóligi, 31 jeńil mashına qar qursaýynan shyǵaryldy

QARAǴANDY. QazAqparat – «QazAvtoJol» UK AQ Qaraǵandy fılıaly oblystyq TJ jáne jergilikti atqarýshy organdarymen birlesip qar qursaýynda qalyp qoıǵandardy qutqardy, dep habarlaıdy QazAqparat.

Osakarovka beketinde (Almaty-Ekaterınbýrg joly) 27 júk kóligi jáne 31 jeńil kólik qar qursaýynan shyǵaryldy. Jolaýshylar jylytý pýnktterine ornalastyryldy. Olardyń ishinde 5 bala bar, eń kishisi – 1,5 jasta.

Qazirgi ýaqytta el boıynsha 133 jylytý pýnkti jumys isteıdi.

Sonymen qatar, «Qyzylorda-Pavlodar- RF shek.» jolyndaǵy Qaraǵandy-Molodejnoe ýchaskesinde 20 kólik turyp qalǵan. Jolshylardyń kúshimen keptelis joıyldy. Aıta ketý kerek, atalǵanýchaskede saǵat 16:00-den bastap kóliktiń barlyq túri úshin qozǵalysqa shekteý engizildi. Saǵat 20:00-de berilgen aqparatqa sáıkes barlyq kólik Qaraǵandy qalasyna deıin jetti.

Eger tosyn jaǵdaı týyndaǵan kezde jolaýshylar QazAvtoJolǵa qarasty táýlik boıy jumys isteıtin call-ortalyqqa júgine alady. Nómiri-1403.