Qaraǵandy oblysynda 25 áleýmettik pavılon salynady
ASTANA. QazAqparat - 25 áleýmettik pavılon Qaraǵandy, Saran, Shahtınsk jáne Abaı qalasynda salynady. Qazir bolashaq dúkenderge arnalǵan jer telimderi rásimdelip jatyr, dep habarlaıdy oblystyq ákimdiktiń baspasóz qyzmeti.
Aımaq basshylyǵy áleýmettik pavılondar ózderin tek jaqsy qyrynan tanytqanyn aıtady. Bul negizsiz baǵa kóterýlermen jáne belgili bir maýsymdyq taýarlardyń tapshylyǵymen kúresýdiń tıimdi quraly bolyp tabylady.
«Jańa pavılondardy ashý satyp alýshylardy aýqymdy túrde qamtýǵa múmkindik beredi. Sondaı-aq jergilikti taýar óndirýshilerge óz ónimderin deldaldarsyz, tómen jáne qoljetimdi baǵamen satýǵa jol ashady», - deıdi Qaraǵandy oblystyq Kásipkerlik basqarmasynyń jetekshisi Tatıana Ablaeva.
Ol sonymen qatar, 2019 jylǵa turaqtandyrý qory qurylǵany týraly sheshim qabyldanǵanyn málimdedi. Oǵan 68 tonna kúrish, 68 tonna qaraqumyq, 204 tonna qant, 48 myń lıtr kúnbaǵys maıy jetkiziledi.
Bul ónimder áleýmettik mańyzy bar taýarlardyń baǵasyn bir deńgeıde ustap turý úshin áleýmettik pavılondarda turaqty baǵamen satylatyn bolady.
