Qaraǵandy oblysynda 2417 jaldamaly páter salynady
«Nurly Jer» baǵdarlamasy aıasynda qurylys qarqyny men kólemi boıynsha Qaraǵandy oblysy Almaty jáne Ońtústik-Qazaqstan oblystarynan keıin úshinshi orynda tur.
Bıylǵy jyly oblystyq jáne jergilikti bıýdjet esebinen Temirtaý qalasynda 90 páter salynady. Osakarov aýdnynda - 72 páter respýblıkalyq bıýdjet esebinen kóterilmek. Qaraǵandyda 60 páter jánede Shahtınskide de sonsha.
Barlyǵy 2020-shy jylǵa qaraı oblysta 2417 satyp alý quqyǵysyz jaldamaly páter salynbaq. Onyń 258-i Saranda, 240-y Qaraǵandyda jáne 100-i Temirtaýda.
Sonymen qatar Qaraǵandyda tozyǵy jetken úıler qaıta qalpyna keltiriledi. Qazir Ermekov kóshesindegi eki 10 páterli eski úılerdi jóndeý boıynsha kelisimsózder júrgizilip jatyr. Olardyń ornyna jańa jeti qabatty úıler salyp, eski úıdegi turǵyndardy sonda kóshirý josparlanyp otyr.
«Sonymen qatar Lenıngradskaıa 31 jáne Qazaqstan 32 mekenjaılary boıynsha úılerdi qalypqa keltirý jumystary bastaldy. Munda merdigerler úsh qabatty keńse ǵımarattaryn salmaqshy. Biraq biz olar ne degenmen turǵyn úıler bolǵanyn talap etip otyrmyz. Onda úsh qabattan joǵary salýǵa bolmaıdy, sebebi astynda shahtalyq qazbalar bar», - dep málimdedi Qaraǵandy qalasynyń ákimi Nurlan Áýbákirov.
Jaldamaly úıler bıyl Shet, Qarqaraly, Abaı, Aqtoǵaı aýdandarynda, sondaı-aq Sátpaev pen Qarajalda da salynbaıdy. Qaraǵandy oblysynyń ákimi Erlan Qoshanov apparattyq jınalys barysynda bul qalalar men aýdandardyń basshylaryna halyqty baspanamen qamtý boıynsha jobalar qurastyryp, olardy jaqyn arada iske asyrý týraly tapsyrma berdi.
Illıýstratsııalyq foto
