Qaraǵandy oblysynda 22 myń oqýshy mektep tabaldyryǵyn attady
ASTANA. QazAqparat - Qaraǵandy oblysynyń mektepterinde 1-shi qyrkúıekte Bilim kúnine arnalǵan saltanatty jıynǵa bardy. Olardyń birinde, Nurmaqov atyndaǵy mamandandyrylǵan mektepte aımaq basshysy Erlan Qoshanov bolyp qaıtty. Ol pedagogtar men oqýshylardy oqý jylynyń bastalýymen quttyqtady.
- Búgin 22 myń bala bizdiń oblysymyzda birinshi synypqa bardy, al 10 myń oqýshy bıylǵy jyly oqýlaryn támamdaıdy. Barlyqtaryńyzǵa sáttilik pen tabys tileımin! Bizdiń ustazdar men ata-analarǵa erekshe alǵys aıtamyz, - dedi quttyqtaý sózinde Erlan Qoshanov.
Syılyq retinde robototehnıka zerthanasyn satyp alýǵa bes mıllıon teńge somaǵa sertıfıkat tabys etildi.
Saltanatty jıynnan soń oblys ákimi mektepti aralap shyqty. Oǵan balanyń zııatkerlik jáne jeke jetistikterin damytýǵa septigin tıgizetin logıka kabınetin kórsetti. Sonymen qatar «Ulytaý Alleıasy» maketi bar geografııa kabıneti de nazarǵa usynyldy. Onyń ereksheligi - onda QR-kod ornalastyrylǵan, ony skanerden ótkizý arqyly oqýshylar ınteraktıvti túrde Ulytaýdyń ásem jerlerimen tanysa alady.
Sonymen qatar aımaq basshysy oqýshylar fızıka, hımııa jáne bıologııa boıynsha birneshe synaqtar jasaǵan ǵylym kabınetimen tanysty.
Ekskýrsııa sońynda Erlan Qoshanov mektep janynda ornalasqan ınternatty aralap shyǵyp, ózge qalalardan kelip oqıtyn balalardyń jatyn oryndary jaǵdaıyn kórip qaıtty.
Barlyǵy Qaraǵandy oblysynda 512 jalpy bilim berý mektepteri bar. Onyń 11-i oblystyq mamandandyrylǵan mektep-ınternattar.
Barlyq mektepterde 190 myńnan astam balaǵa bilim beriledi. Oblys boıynsha muǵalimderdiń sany 19 859 adamdy quraıdy.
