Qaraǵandy oblysynda 2021 jyly 445 gektar alqapqa aǵash otyrǵyzyldy
QARAǴANDY. QazAqparat – Bıyl Qaraǵandy oblysynyń orman qory aýmaǵyna 1724,79 myń dana kóshet otyrǵyzyldy. Barlyǵy 445 ga qamtyldy, otyrǵyzý 2021–2025 jyldarǵa arnalǵan ormandardy molyqtyrý jáne orman ósirý jospary sheńberinde júrgizildi, dep habarlaıdy QazAqparat tilshisi.
Bastapqyda 1,2 gektar jerge 430 mıllıon kóshet otyrǵyzý josparlanǵan bolatyn, biraq tabıǵı resýrstar jáne tabıǵatty paıdalanýdy retteý basqarmasynyń qyzmetkerleri bul tapsyrmany asyra oryndady. Kóktemde 224 ga orman daqyldary otyrǵyzyldy, al qazan aıynyń sońynda 221 ga jerge kúzgi otyrǵyzý jumystary júrgizildi.
«Jańa aǵashtar – úıeńki, shegirshin, qaraǵaı, terek, qaıyń – aımaqtaǵy ormandar men janýarlar dúnıesin qorǵaý jónindegi bes sharýashylyqta paıda boldy. Otyrǵyzý materıaly Qaraǵandy oblysynyń tálimbaǵynan alyndy», dep málimdedi Qaraǵandy oblysynyń Tabıǵı resýrstar jáne tabıǵat paıdalanýdy retteý basqarmasynda.
