Qaraǵandy oblysynda 2018-shi jyly 15 turǵyn úı salynady
ASTANA. QazAqparat - Qaraǵandy oblysynda 2018-shi jyly 15 turǵyn úı salynady, dep habarlaıdy QazAqparat Qaraǵandy oblysynyń ákimdine silteme jasap.
Baspasóz málimetterine qaraǵanda, qurylys jumystary Qaraǵandy, Balqash jáne Jezqazǵanda júrgizilip jatyr.
Bir sharshy metr úıdiń quny 90 000-nan 140 000-ǵa deıin barady. Páterlerdi esep shottarynda baspananyń jalpy baǵasynan 30% qarajaty bar «Turǵyn úı qurylys jınaq bankiniń» salymshylary satyp ala alady. Qalǵan jetpeı turǵan somaǵa bank jyldyq 5% aldyn ala turǵyn úı qaryzyn berýge daıyn.
Qazaqstannyń «Turǵyn úı qurylys jınaq banki» AQ Qaraǵandy oblystyq fılıalynyń dırektory Gúlnár Dabylovanyń sózinshe, «Nurly jol» baǵdarlamasynyń sharttary boıynsha jańa úılerdegi páterlerdiń jartysy kezekte turǵandarǵa taratylady. Alaıda olar da Turǵyn úı qurylys jınaq bankinde shot ashyp, oǵan salymdaryn jınaýlary tıis.
«Biz barlyq salymshylarymyzǵa shotty neǵurlym erte ashsa, soǵurlym erterek áleýmettik páter alýǵa múmkindikteri bolatynyn este saqtaý qajet. Taǵy bir mańyzdy jaıt - salym merzimi neǵurlym uzaq bolsa, nesıe boıynsha mólsherleme de soǵurlym tómenirek bolady», - dep atap ótti Gúlnár Dabylova.
Sonymen qatar «Óz úıim» baǵdarlamasy boıynsha bul páterlerdi 332 adam da ala alady. Olardyń 152-i prokýratýra qyzmetkerleri.
«Olar úshin baspana Turǵyn úı qurylys jınaq banki men Qaraǵandy oblysynyń prokýratýrasy arasynda ornatylǵan memorandýmǵa sáıkes tómendetilgen aǵamen satylatyn bolady», - dep túsindirdi fılıal dırektory.
Ol sonymen qatar «Qazaqstannyń Turǵyn úı qurylys jınaq banki» bıylǵy jyly bıznes-protsesterdi ońtaılandyrý boıynsha úlken jumystar atqarǵanyn málemdedi. Jańa baspana.kz portaly iske qosylǵan, onda «Nurly jer» jáne «Óz úıim» baǵdarlamalary boıynsha salynyp jatqan barlyq nysandar týraly aqparat alýǵa bolady. Saıtta aımaqta salynyp jatqan barlyq nysandar týraly, sondaı-aq baǵdarlamaǵa qatysýǵa ótinim qabyldaý týraly málimetter keltirilgen.
Qazaqstannyń «Turǵyn úı qurylys jınaq banki» AQ Qaraǵandy oblystyq fılıalynyń dırektory Gúlnár Dabylovanyń málimdeýinshe, aǵymdaǵy jyldyń qorytyndysy boıynsha Qaraǵandy oblysynda memlekettik syıaqyny banktiń 71 000 salymshysy alǵan. Olardyń 21 000-y kelisimshartty bıyl ǵana jasaǵan. Memlekettik syıaqy 200 aılyq kórsetkishten nemese 453 800 teńgeden aspaıtyn somaǵa esepteledi. ıAǵnı, bir jyl aralyǵynda bank klıenti osyndaı soma jınasa nemese bir mezgilde salsa, ol maksımaldy syıaqy - 90 760 teńge ala alady.
