Qaraǵandy oblysynda 2016 jyly MJÁ jelisi boıynsha densaýlyq saqtaý salasynda 10 joba iske asyrylady
«Bizdiń kásipkerler arasynda memlekettik-jeke áriptestik tetikterin túsine otyryp, oǵan ún qosýshylar qatary kóbeıe túsýde. Investıtsııalyq jobalar naq osy densaýlyq saqtaý salasynda júzege asyrylyp otyrǵany qýantady. Meniń pikirimshe, munda qoǵam úmitteri, bıznes pen memleket múmkindikteri sátti úılesim tabýda», - dedi N.Ábdibekov.
Óńir basshysy 2015 jyldyń qorytyndylary boıynsha halyqpen esepti kezdesýde densaýlyq saqtaý salasyna 1 mlrd. teńgeden astam ınvestıtsııa tartý týraly áńgime qozǵalǵanyn eske saldy. «Sol kezdesýden beri kóp ýaqyt ótken joq. Meniń bilýimshe, bul baǵytta udaıy jumys júrgizip keledi jáne ol oń nátıjelerge jetýge múmkindik berdi», - dep atap ótti óńir basshysy.
Oblystyq densaýlyq saqtaý basqarmasynyń bastyǵy Erjan Nurlybaev óńirde kepildi tegin medıtsınalyq kómek aýqymynda medıtsına qyzmetteriniń kólemin keńeıtý maqsatynda óńirde jeke ınvestıtsııalardy tartý jóninde joba jasalǵanyn aıtty.
«Onyń júzege asyrý tetigi jeke ınvestorlarǵa zamanaýı jabdyqtardy paıdalanýmen medıtsınalyq qyzmet kórsetý úshin jaǵdaı týǵyzýdy kózdeıdi. Búgingi tańda qazirdiń ózinde Qaraǵandy, Balqash jáne Jezqazǵan qalalarynda áıelder bosanatyn uıymdarda eksperttik klastardaǵy ÝDZ kabınetterin ashý boıynsha 228 mln. teńgege 3 ınvestıtsııalyq joba júzege asyryldy», - dep baıandady ol.
Sonymen birge, Qaraǵandyda jáne Temirtaýda jeke fırmalarmen birlesip, emhanalarda eki oftalmologııalyq ortalyqtar ashyldy.
«Aǵymdaǵy jyly jeke ınvestorlarmen 2 mlrd. teńgege taǵy 10 jobany júzege asyrý jónindegi kelisimderge qol jetkizildi. Jezqazǵanda magnıttik-rezonansty 3 tomogarfııa jáne Qaraǵandyda 2 kompıýterlik-rentgendik tomografııa kabıneti ashylmaq. Jezqazǵan men Balqashta oftalmologııalyq ortalyqtar ashylady. Qaraǵandyda oblystyq allergııalyq ortalyq, nevrologııalyq patologııaly balalar úshin ońaltý ortalyǵy, sondaı-aq Ońtústik-Shyǵysta otbasy densaýlyǵy ortalyǵy men jańa polıklınıka ashylady», dep baıandady E.Nurlybaev.
Sonymen qatar, Shahtınskide gemodıalız ortalyǵyn salý sheshildi.
Kezdesýde atap ótilgendeı, eki jyldyń ishinde densaýlyq saqtaý salasyna 4 mlrd. teńgeden astam jeke ınvestıtsııalar tartyldy.
Rım-katolık eparhııasy polıklınıka salmaq, qazir onyń jobalyq-smetalyq qujattamasy jasalýda.
«Bizdiń allergııalyq ortalyq Qaraǵandyda alǵashqy bolmaq, qalada ázirge tipti bólimshe de joq. Onda dıagnostıkanyń zamanaýı tásilderi qoldanylady. Patsıentter bilikti medıtsınalyq kómekke ıe bolady. Ortalyq bazasynda allergologııa jáne ımmýnologııa kafedrasynyń qyzmeti uıymdastyrylady», - dedi «Olımp» klınıkalyq-zerthanalyq dıagnostıkalyq zeerthanasy Qaaraǵandy fılıalynyń dırektory Dmıtrıı Gneıdın.
Balalar aýrhanasy janynan tirek-qozǵalys apparaty buzylǵan jáne nevrologııalyq syrqatqa ushyraǵan balalar úshin ońaltý oralyǵy ashylady. «Oblysta 6 myńnan astam bala nevrologııalyq syrqatqa ushyraǵan, olar ońaltýdy qajet etedi. 40 kereýettik ortalyq zamanaýı mamandandyrylǵan jabdyqpen jaraqtanady. Ony qarasha aıynda ashýdy josparlap otyrmyz», - dedi "Forheals farmaceuticals»JShS dırektory Denıs Podgaınov.