Qaraǵandy oblysynda 2015 jyly sý shaıyp ketken kópir qaıta ashyldy
ASTANA. QazAqparat - Qaraǵandy oblysynyń Buqar jyraý aýdanynda jóndeýden soń «Qaraǵandy-Toǵyzqudyq-Botaqara» oblystyq mańyzy bar avtojoldaǵy kópir ashyldy, dep habarlaıdy óńirlik ákimdiktiń baspasóz qyzmeti.
Nura ózeniniń ústimen ótetin bul kópir 2015 jyly kóktemgi sý tasqynynyń saldarynan buzylǵan bolatyn. Ol respýblıkalyq jáne oblystyq bıýdjet esebinen qalypqa keltirildi. Jóndeý jumystary 2016-shy jyldyń qyrkúıeginde bastalyp, ótken jyldyń jeltoqsanyna deıin jalǵasqan.
Jóndeý jumystarynyń nátıjesinde uzyndyǵy 132 metrdi quraıtyn tórt aralyq kópir buryńǵy qalpynan bir metrge bıiktedi. Ótkeldiń ashylýyn avtokólik ıeleri taǵatsyzdana kútken bolatyn, sebebi olarǵa aınalma jolmen 9 shaqyrym artyq jol júrýge týra kelgen.
