Qaraǵandy oblysynda 2010 jyldyń basynan beri jemqorlyq qylmystar úshin 53 adam sottaldy
QARAǴANDY. Qyrkúıektiń 20-sy. QazAqparat /Valentına Elızarova/ - Qaraǵandy oblysynyń sottary 2010 jyldyń basynan beri jemqorlyq qylmystarǵa qatysty 48 qylmystyq isti qarady, onyń nátıjesinde 53 adam sottaldy.
Bul málimetter dúısenbi, qyrkúıektiń 20-synda Qaraǵandy oblystyq sotynda ótkizilgen baspasóz máslıhatynda jarııa etildi.
«26 adam bas bostandyǵynan aıyryldy, al qalǵandaryna bas bostandyǵynan aıyrýǵa baılanysty emes jaza túrleri qoldanyldy. Atalmysh qylmystyń sýbektileri: aýyldyq okrýgterdiń ákimderi, bilim berý, ishki ister organdarynyń, prokýratýra, keden jáne fıskaldy organdardyń qyzmetkerleri, sonymen qatar memlekettik qyzmetterdi atqarýǵa teńestirilgen qyzmetshiler» - dep habarlady oblystyq sottyń baspasóz ortalyǵynyń jetekshisi Gúlmıra Qajenova.
Eki jylǵa bas bostandyǵynan aıyrý jazasyna Buqar jyraý ortalyq aýyldyq okrýgynyń ákimi kesildi, dep mysal keltirdi baspasóz hatshysy. «Úkim óziniń zańdy kúshine engen joq, apppelıatsııalyq kezekte narazylyq keltirildi», - dep atap ótti G.Qajenova.
