Qaraǵandy oblysynda 200-den astam adam máslıhattarǵa depýtat bolyp saılanady
Qaraǵandy oblysynyń máslıhatyna 18 okrýgten 36 depýtat ótedi. Onyń 18-i partııalyq tizim boıynsha jáne 18-i bir mandatty. Aýdandar men qalalardyń máslıhattaryna azamattar kandıdattardy tek bir mandatty okrýgterden tańdaıtyn bolady. Búgingi tańda 13 qalalyq jáne aýdandyq máslıhattar boıynsha 178 majorıtarlyq okrýg anyqtaldy.
Qaraǵandy oblysynan Parlament Májilisine depýtattardy bir mandatty tizim boıynsha eki saılaý okrýginen tańdaıtyn bolady:
№18 ortalyǵy Qaraǵandy qalasynda ornalasqan Qaraǵandy, Buqar Jyraý shekaralarynda;
№19 ortalyǵy Temirtaý qalasynda ornalasqan Temirtaý, Balqash, Prıozersk, Saran, Shahtınsk,
Abaı, Aqtoǵaı, Qarqaraly, Nura, Osakarov, Shet shekaralarynda.
Oblys boıynsha barlyǵy 198 aýdandyq komıssııa quryldy. Saılaý ýchaskeleriniń sany 654 bolady. Onyń 33-i jabyq. Saılaý kúni jumysty 863 saılaý komıssııasy júzege asyrady, onyń quramynda 5 611 múshe bolady.
Oblystyq saılaý komıssııasynyń tóraǵasy Qaırat Nurkenovtyń aıtýynsha, aýdandyq komıssııalardyń quramyn tıisti máslıhattar bekitken. Olardyń sany 975 adamdy quraıdy.
Búgingi tańda saılaýǵa tirkelgen barlyq jeti saıası partııa qatysatyny belgili.
Olar:
- «Amanat» partııasy;
- «Aq Jol» Qazaqstannyń demokratııalyq partııasy;
- Qazaqstannyń Halyq partııasy,
- «Aýyl» halyqtyq-demokratııalyq patrıottyq partııasy;
- Jalpyulttyq sotsıal-demokratııalyq partııasy;
- «Baıtaq» qazaqstandyq Jasyldar partııasy;
- Respublica partııasy.
Qazirgi saılaýdyń ereksheligi – ol aralas saılaý júıesi boıynsha ótedi. ıAǵnı, qazaqstandyqtar depýtattardy partııalyq tizimder boıynsha ǵana emes, qoǵamdyq uıymdar nemese ózin-ózi usynýshylar usynǵan bir mandatty okrýgterden naqty kandıdattarǵa daýys bere alady.
Májilis quramy proportsıonaldy túrde kelesideı bolady: partııalardan depýtattardyń 70 paıyzy jáne bir mandatty okrýgterden 30 paıyzy. ıAǵnı, partııalyq tizimder boıynsha 69 depýtat jáne respýblıkalyq bir mandatty okrýgter boıynsha 29 depýtat.
Oblys máslıhattaryna saılaý aralas saılaý júıesi boıynsha, 50-den 50-ge deıingi araqatynasta ótedi.
Saılaý 18 aqpanda bastalady.
