Qaraǵandy oblysynda 20 jolaýshysy bar avtobýs aýdaryldy
QARAǴANDY. QazAqparat - 9 aqpan kúni kúndiz Qaraǵandy oblysy Shet aýdany Qaramuryn aýyly mańyndaǵy tas jolda reıstik jolaýshylar avtobýsy jol jıegindegi jyraǵa aýdaryldy, dep habarlady «QazAqparat» HAA tilshisi.
Oqıǵa Qarajal men Qaraǵandy arasyndaǵy kúre jolda oryn aldy. Salonda bolǵan bes bala men 15 eresek jolaýshy zardap shekken joq.
«Apat ornynda «Avtopark № 3» JShS tehnıkalyq qyzmeti, sondaı-aq jergilikti polıtsııa qyzmetiniń qyzmetkerleri jumys isteýde», - dep habarlady Qaraǵandy oblysy TJD baspasóz qyzmetinen.
Qurbandar men zardap shekkender joq. Jolaýshylar jolshybaı kóliktermen jaqyn jerdegi Qaramuryn aýylyna jetkizildi.
Jol-patrýldik polıtsııa qyzmetkerleri júrgizýshiniń kólikke nelikten ıe bola almaı, avtobýstyń jyraǵa qulap ketýine jol bergenin anyqtaý ústinde.
Budan buryn, oblystyq ІІD baspasóz qyzmeti júrgizýshilerge aýa raıynyń qolaısyz jaǵdaıynda jolda abaı bolýdy eskertken bolatyn.
