Qaraǵandy oblysynda 2 jasar bala eki kúnnen beri tabylmaı jatyr
QARAǴANDY. QazAqparat - Qaraǵandy oblysynda qutqarýshylar úıinen shyǵyp, joǵalyp ketken eki jasar balany izdep jatyr, dep habarlaıdy QazAqparat tilshisi.
Óńirlik TJD-nyń málimdeýinshe, Balqash mańyndaǵy Tehsnab kentinde joǵalǵan ul bala eki kúnnen beri izdestirilip jatyr.
Bastapqy derek boıynsha, eki jasar bala aýlada oınap júrgen, keıin úıdiń aýmaǵynan shyǵyp, iz-túzsiz joǵalyp ketken.
Іzdeýshiler úıdiń mańaıyn, aýyldaǵy qudyqtar men shuńqyrlar, Balqash kóline quıatyn arnalardy qarap shyqty.
Departamenttiń málimdeýinshe, ishki ister organdarymen birlesip izdeý-qutqarý jumystaryn júrgizýdi uıymdastyrý boıynsha shtab qurylǵan. Oǵan órt sóndirýshiler, qutqarýshylar, kınologtar, eriktiler jumyldyrylǵan.
