Qaraǵandy oblysynda 2 polıtseı kólik apatynan qaza tapty
QARAǴANDY. QazAqparat - Qaraǵandy oblysyndaǵy «Qaraǵandy-Botaqora» tas jolynda bolǵan jol kólik apatynda Buqar Jyraý aýdandyq ІІB eki qyzmetkeri qaza tapty, dep habarlady aımaqtyq ІІD baspasóz qyzmetinen.
«7 jeltoqsanda shamamen saǵat 20:00-de «Qaraǵandy-Botaqora» tas jolynda «VAZ-21102» júrgizýshisi qarsy jolaqqa shyǵyp ketip, «Folksvagen Passat» kóligimen soǵysqan. Apat saldarynan «VAZ-21102» júrgizýshisi men onyń jolaýshysy - Buqar Jyraý aýdandyq ІІB qyzmetkeri alynǵan jaraqattardan kóz jumdy», - delingen habarlamada.
«Folksvagen-Passat» júrgizýshisine medıtsınalyq kómek kórsetildi.
Aldyn ala boljam boıynsha, «VAZ-21102» júrgizýshisi kóktaıǵaq saldarynan kólikti basqara almaı, ol qarsy jolaqqa shyǵyp ketken.
Vedomstvonyń baspasóz habarlamasynda polıtseılerdiń qyzmet tapsyrmasyn oryndaý barysynda bolmaǵanyn jáne forma kımegeni jazylǵan.
«Jol kólik apaty faktisi boıynsha qylmystyq is qozǵaldy, tıisti saraptamalar taǵaıyndalyp, tergeý amaldary júrgizilýde», - delingen habarlamada.
