Qaraǵandy oblysynda 1500-den astam adam dala órtin sóndirýge qatysty

QARAǴANDY. QazAqparat - Qaraǵandy oblysynda tabıǵı órt oshaqtary joıyldy. Dala órtterin sóndirýge 1540 adam qatysty, dep habarlaıdy QazAqparat tilshisi.

Bir apta ishinde Qaraǵandy oblysynda kúrdeli órt qaýipti jaǵdaı qalyptasty, sonyń saldarynan oblystyń 5 aýdanynyń aýmaǵynda: Buqar Jyraý, Shet, Qarqaraly, Nura jáne Aqtoǵaı aýdandarynda tabıǵı órtter men janýdyń kóptegen oshaqtary tirkeldi.

Munyń sebebi oblystyń barlyq aýmaǵynda aýa temperatýrasynyń joǵarylaýy boldy.

Órtti sóndirý 20 m/s deıingi qatty ekpinmen jáne keı aımaqtarda taýly jerler bolǵanymen qıyndady.

«Jedel áreketterdiń arqasynda barlyq oshaqtar joıyldy.

Tabıǵı órtterdi joıýǵa barlyǵy 1540 adam jáne 461 birlik tehnıka jumyldyryldy, onyń ishinde: Qaraǵandy oblysy TJD 307 adam jáne 73 birlik tehnıkasy, órtke qarsy erikti quralymdar jáne jergilikti turǵyndar – 1100 adam 358 birlik tehnıka, 133 adam jáne 36 birlik tehnıka ormanshylyq uıymdarynyń tehnıkasy.

Qazirgi ýaqytta jaǵdaı turaqtandy», - dep habarlady Qaraǵandy oblysy TJD baspasóz qyzmeti.