Qaraǵandy oblysynda 150 gektar orman alqaby órtke orandy - QR TJM
ASTANA. 14 mamyr. QazAqparat - Qaraǵandy oblysynda 150 gektar orman-dala alqaby órtendi.
QR TJM-nan habarlaǵandaı, órt 13 mamyr kúni tańerteń Qaraǵandy oblysy Osakarov aýdanynda boldy. Jalyn qýraǵan shóp pen orman alqabynyń 150 gektar aýmaǵyn sharpydy. Tilsiz jaý osy kúni túngi saǵat onnyń shamasynda aýyzdyqtaldy.
Onymen kúreske QR TJM Qaraǵandy oblysy boıynsha TJD órtke qarsy qyzmetiniń 6 adamy men 3 tehnıkasy, Temirtaý ormanshylyǵynyń 16 adamy men 3 tehnıkasy jáne erikti órt sóndirý jasaǵynyń 6 adamy men 1 tehnıkasy jumyldyryldy.
