Qaraǵandy oblysynda 147 mekteptiń jylý qazandyǵy durys ornalaspaǵan

QARAǴANDY. QazAqparat – Qaraǵandy oblysynda mektep qazandyqtarynyń qaýipsizdigi tekserilip jatyr. Búgingi tańda óńirde 302 bilim mekemesi derbes jylytý júıesi men qazandyqtan jylytylady, dep habarlaıdy QazAqparat tilshisi.

Mektep janyndaǵy qazandyqtardyń kópshiligi 90-shy jyldary salynǵan.

Sol kezderi mundaı jylytý júıesi ǵımarattardyń muzdap qalmaýyn qamtamasyz etýdiń jáne balalardyń jyly synyptarda bilim alýyna múmkindik berýdiń jalǵyz joly boldy.

2009 jyly órt qaýipsizdigi boıynsha jańa tehnıkalyq reglament qabyldandy. Qazandyqtar oqý ornynan 50 metr qashyqtyqta salyna bastady.

5 jyl ishinde 73 qazandyq jertóle men ǵımarattan shyǵaryldy.

Qazirgi ýaqytta 147 mektepte qazandyqtar sanıtarlyq normalar men erejelerdi buza otyryp ornalasqan. Aldaǵy úsh jylda 74 mektepte jaǵdaıdy túzetý josparlanǵan.

Jańa oqý oryndaryn salý kezinde zamanaýı jáne qaýipsiz qazandyqtar qarastyrylǵan.

«Barlyq jańa jáne eski qazandyqtardy qaýipsizdik, jaraqtandyrý deńgeıine jáne yqtımal táýekelderdiń bar-joǵyn tekserý týraly sheshim qabyldandy. Komıssııaǵa oblys ákiminiń orynbasary, aýdan ákimderi, TJD jáne energetıka jáne TKSh basqarmasynyń ókilderi kiredi. Bizdiń mindetimiz – normatıvterge sáıkes kelmeıtin qazandyqtardy anyqtaý jáne sharalar qabyldaý», – dep jazdy bilim basqarmasynyń basshysy Gúlsim Qojahmetova Facebook paraqshasynda.

Foto: facebook.com/ Gúlsim Qojahmetova