Qaraǵandy oblysynda 140-tan astam qarý tárkilendi - «Qarý» operatsııasy
QARAǴANDY. 7 tamyz. QazAqparat - Qaraǵandy oblysynda «Qarý» jedel-aldyn alý sharasynyń úsh kúninde qarýdyń 6000-nan astam jeke ıeleri tekserilip, 141 qarý birligi alyndy,
ańshylyq-balyq aýlaý sharýashylyqtarynyń aýmaǵyndaǵy 30 ańshy tekserildi, dep habarlaıdy Qaraǵandy oblystyq ІІD-niń baspasóz qyzmetinen.
ІІB-de tirkelmeı, zańsyz saqtalǵan 12 qarý alyndy. Ańshylyq erejelerin buzǵany úshin tórt tegis oqpandy myltyq tárkilendi.
Ruqsat berý júıesi erejelerin buzýdyń 146 faktisi anyqtaldy, sonyń ishinde - ıesiniń meken-jaıdy aýystyrýyna baılanysty qarýdy qaıta tirkeý, sondaı-aq saqtaý jáne ańshylyq erejelerin buzý bar.
Tirkelmegen qarýdyń 5 birligi jáne tirkelgen 15 qarý azamattardyń óz erkimen tapsyryldy.
