Qaraǵandy oblysynda 14 mln teńgeniń tenderin utqan kásipker joǵalyp ketti
QARAǴANDY. QazAqparat – Qaraǵandy oblysynda 8 kún buryn joǵalyp ketken er adam áli tabylmady. Іzdestirý jumystary oblystyq Polıtsııa departamenti basshysynyń jeke baqylaýyn alyndy, dep habarlaıdy QazAqparat tilshisi.
Ótken juma, 3 qyrkúıek kúni vahtalyq jumysqa ketken 39 jastaǵy qaraǵandylyq joǵalyp ketti. Ol jumysyna barmaǵan. Joǵalǵan azamattyń týǵan-týystary ol sońǵy ret Qarajal qalasynan habarlasqanyn habarlaǵan. Qazirgi ýaqytta jigitti izdestirý jumystary júrip jatyr. Ony oblystyq Polıtsııa departamentiniń basshysy Erlan Faızýllın jeke baqylaýyna alǵanyn Facebook-tegi paraqshasynda málimdedi.
«Іz-túzsiz joǵalǵan azamatty izdeýge ishki ister departamentiniń jeke quramy túgel jumyldyryldy. Qazirgi ýaqytta oblystyq Polıtsııa departamentiniń Krımınaldyq polıtsııa basqarmasy, Jańaarqa aýdany, Qarajal qalalyq Polıtsııa bólimi qyzmetkerlerinen quralǵan izdeý toptary jumys júrgizip jatyr. Sondaı-aq azamatty izdeý jumysyna Tótenshe jaǵdaılar departamentiniń qyzmetkerlerimen eriktiler toby da jumyldyryldy. Sonymen qatar izdestirý jumysyna áýege tikushaq kóterildi. Bul baǵyttaǵy jumys baqylaýda», - dep jazylǵan departament basshysynyń jeke paraqshasynda.
Óńirdiń tanymal blogeri de Facebook paraqshasynda osy jaǵdaı týraly jazba jarııalaǵan. Onda ol joǵalǵan jigit bıyl 14 mln teńgege tender utqanyn tilge tıek etedi.
