Qaraǵandy oblysynda 14 medıtsına nysanynyń qurylysy bastaldy

ASTANA. QazAqparat - Memleket basshysynyń tapsyrmalaryn oryndaý boıynsha aıdardy jalǵastyra otyryp, Qaraǵandy oblysynda «Aýyldyq densaýlyq saqtaýdy jańǵyrtý» ulttyq jobasy iske asyryla bastaǵanyn habarlaımyz.

Bul týraly QR Densaýlyq saqtaý mınıstrliginiń baspasóz qyzmeti taratqan aqparatta aıtylǵan, dep habarlaıdy QazAqparat.

Baspasóz qyzmetiniń málimetterine qaraǵanda, ulttyq jobanyń sheńberinde 2023-2024 jyldardyń ishinde 655 medıtsına nysanyn salý, aýdandyq aýrýhanalardy kópbeıindi medıtsınalyq mekemeler deńgeıine deıin jańǵyrtý, mamandandyrylǵan medıtsınalyq kómektiń qoljetimdiligi jáne aýyl turǵyndaryn skrınıngpen qamtýdy ulǵaıtý, eldi mekenderde medıtsınalyq uıymdardyń bazasynda dárihana pýnktterin qurý, kadr máselelerin sheshý jáne aýylda medıtsınalyq kómekti damytýdyń basqa da birqatar baǵyttary josparlanǵan.

2023 jylǵa 99, onyń ishinde Qaraǵandy oblysynda 14 medıtsınalyq nysannyń qurylys-montaj jumystaryna qarajat bólindi.

Búgingi tańda barlyq 14 nysan jer jumystary satysynda (irgetastyń negizin daıyndaý). Ulttyq jobaǵa sáıkes Qaraǵandy oblysynda Buqar Jyraý aýdanynyń Qaraqudyq, Novoýzenka, Aqtóbe, Qarqaraly aýdanynyń Tomar, Aqjol, Tatan, N.Qaıraqty, Jumysker, Taglın, Bosaǵa, Kóktenkól, Kıikti, Burma aýyldarynda jáne Shet aýdanynyń Aqshataý aýylynda, sondaı-aq Aqtoǵaı aýdanynyń Aqjaryq aýylynda feldsherlik-akýsherlik pýnktter ashylady.